ព័ត៌មានទាន់ហេតុការណ៍៖

មន្ត្រីយោធាវេណេហ្ស៊ុយអេឡា ៩នាក់​ត្រូវបានកាត់ទោសពីបទប៉ុនប៉ងផ្តួលរំលំប្រធានាធិបតី

ចែករំលែក៖

កាលពីថ្ងៃទី​២៦ ខែធ្នូ តុលាការជាន់ខ្ពស់វេណេហ្ស៊ុយអេឡា​ TSJ ​បានប្រកាសសាលក្រម ដាក់ទោសមន្ត្រីយោធាជាន់ខ្ពស់ ៩រូបពីបទ​ប៉ុនប៉ងផ្តួលរំលំប្រធានាធិបតិ​ នីកូឡាស ម៉ាឌូរ៉ូ កាលពីឆ្នាំ​២០១៤ ។

ក្នុងចំណោមមន្ត្រីយោធាដែលរងការកាត់ទោស មាន ឧត្តមសេនីយ៍ឯក Oswaldo Hernandez និង អតីតប្រធានសោធននិវត្តន៍ លោក Jose Delgado និងមន្ត្រីទាហានថ្នាក់ក្រោម ៧នាក់ មកពី កម្លាំងទាហានជើងទឹក ជើងគោក និងជើងអាកាស ។ មន្ត្រីទាំងនោះ រងការចោទប្រកាន់ជំរុញឲ្យមានការបះបោរ បង្កអសន្តិសុខក្នុងសង្គម ប្រឆាំងរដ្ឋាភិបាល​។ តុលាការជាន់ខ្ពស់​បានសម្រេច​ រក្សាសាលក្រមរបស់តុលាការយោធា ដែលបានសម្រេចដាក់ពន្ធនាគារនាពេលកន្លងមក ។

ក្រុមអតីតមន្ត្រីទាហានដែលបានចាប់ឃុំខ្លួន ក្រោយពេល ខ្សែអាតសំឡេង បានបែកធ្លាយ​ ក្នុងអំឡុង​ពីខែមីនា ដល់ខែឧសភា ឆ្នាំ​២០១៤​ ។ តាមការចោទប្រកាន់​ ក្រុមអតីតទាហានទាំងនោះ​ បានឡើងគម្រោង ដណ្តើមគ្រប់គ្រងទីតាំងយោធា និង ចាប់ខ្លួន​ប្រធានាធិបតី ម៉ាឌូរ៉ូ និងមន្ត្រីជាន់ខ្ពស់នៅក្នុងជួរដ្ឋាភិបាល។ ជាមួយគ្នានោះ ​ក្រុមយោធាខាងលើបានឡើងគម្រោង ធ្វើមហាបាតុកម្ម ដើម្បីជាហេតុផល ក្នុងការផ្តួលរំលំរដ្ឋាភិបាល ៕


ចែករំលែក៖