សារព័ត៌មាន នគរវត្ត តែងតែនាំមុខគេជានិច្ច
នៅលើពិភពលោក មានក្រុមហ៊ុនអាកាសចរណ៍ស៊ីវិលជាច្រើនសម្រាប់ដឹកអ្នកដំណើរ ។ បច្ចុប្បន្នមានក្រុមហ៊ុនអាកាសចរណ៍ដឹកអ្នកដំណើរជាង ១៤០០ ក្រុមហ៊ុន ដោយមានយន្តហោះដឹកអ្នកដំណើរ ជិត២៥ពាន់គ្រឿង និងបន្តកើតឡើងទៀតដោយសារតម្រូវការធ្វើដំណើរច្រើន ។
កាលពីឆ្នាំ ២០១៣ មានជើងហោះហើរ ប្រមាណ ជាង ៩៩ ពាន់ជើង ក្នុងមួយថ្ងៃហើយ ពេលនេះកើនឡើង ដល់ទៅ ជាង១សែន២ពាន់ជើងក្នុងមួយថ្ងៃ។ នៅទូទាំងពិភពលោក មាន ផ្លូវសម្រាប់ហោះហើរ មាន ជិត ៥ម៉ឺនផ្លូវនៅលើ អាកាស។
តើក្រុមហ៊ុនអាកាសចរណ៍ប្រទេសណាដែលមានសុវត្ថភាពបំផុត ក្រុមហ៊ុនអាកាសចរណ៍ដែលមានសុវត្ថភាពដូចជា Air New Zealand, All Nippon Airways, British Airways, Cathay Pacific Airways, Emirates, Qatar Airways និង Singapore Airlinesជាដើម ត្រូវបានគេហទំព័រ AirlineRatings.com ចាត់ទុកថា មានសុវត្ថិភាពផងដែរ ។
ប៉ុន្តែក្នុងចំណោមនោះមាន ក្រុមហ៊ុន អាកាសចរណ៍ក្រុមហ៊ុន Qantas របស់អូស្ត្រាលី បានឈរនៅលើកំពូលតារាង ជាយន្តហោះដឹកអ្នកដំណើរដែលមានសុវត្ថិភាពជាងគេបំផុតនៅក្នុងពិភពលោក ។
ក្រុមហ៊ុននេះ បានដំណើរការយូរណាស់មកហើយក្នុងប្រតិបត្តិការរកស៊ីរបស់ខ្លួន លើវិស័យដឹកអ្នកដំណើរតាមដែនអាកាស ។ នៅក្នុងឆ្នាំនេះ ក្រុមហ៊ុន Qantas បានឈរនៅលើកំពូលតារាងរបស់គេហទំព័រ AirlineRatings.com ដែលចាត់ទុកថា ជាក្រុមហ៊ុនរកស៊ីដឹកអ្នកដំណើរតាមយន្តហោះ ដែលមានសុវត្ថិភាពបំផុតក្នុងលោក ។
សូមបញ្ជាក់នេះ នេះមិនមែនជាលើកទី១នោះទេ ប៉ុន្តែជាលើកទី៥ហើយ ដែលក្រុមហ៊ុន Qantas Airways របស់អូស្ត្រាលីបានចំណាត់ថ្នាក់ថា ជាយន្តហោះដឹកអ្នកដំណើរមានសុវត្ថិភាពជាងគេបំផុត។
ក្រុមហ៊ុនអាកាសចរណ៍ដែលបានឈានមុខគេនេះ ដោយអាស្រ័យថា មានការអភិវឌ្ឍបច្ចេកវិទ្យាទំនើប ទាន់សម័យ ដូចជាប្រព័ន្ធ Future Air Navigation System និងការថតចម្លងទិន្នន័យហោះហើរ ដែលប្រើប្រាស់ ដើម្បីតាមដានការវាយតម្លៃយន្តហោះ និងអាកាសយានិកជាដើម ។
លើសពីនេះទៀត វាប្រើទំនាក់ទំនង តាមផ្កាយរណប ដើម្បីតាមដានម៉ាស៊ីន និងនៅក្នុងយន្តហោះទាំងមូល ហើយបង្ហាញបញ្ហាឲ្យដឹងភ្លាមៗ មុនពេលដែលបញ្ហាអាសន្ននោះ វាបានប្រាកដឡើង ៕
