សារព័ត៌មាន នគរវត្ត តែងតែនាំមុខគេជានិច្ច
ការចាកចេញពីអឺរ៉ុប របស់អង់គ្លេស នៅតែជាបញ្ហា ដដែល ដោយភាគីទាំងអស់ នៅក្នុងជួរអ្នកនយយោបាយសំខាន់ៗ នៅអង់គ្លេស មិនមានសំឡេងរួមគ្នា ។ ប្រសិនជាស្ថានភាពអូសបន្លាយនោះ នឹងបង្កឲ្យមានវិបត្តិជាទ្រង់ទ្រាយធំ ។
ទាំងនោះហើយ បានជា ព្រះមហាក្សត្រី Elizabeth បានផ្ញើរាជ្យសារជាផ្លូវការទៅកាន់បណ្តាគណបក្សនយោបាយស្តីពីបញ្ហា Brexit ដោយ ព្រះអង្គបានអំពាវនាវដល់ភាគីពាក់ព័ន្ធស្វែងរកដំណោះស្រាយរួម ។ នៅពេលនេះ កិច្ចពិភាក្សាមិនសល់ពេលវេលាច្រើននោះឡើយ ហើយប្រសិនបើ មិនមានកិច្ចព្រមព្រៀងនោះ អង់គ្លេសធ្លាក់ចូលក្នុងវិបត្តិជាទ្រង់ទ្រាយធំមិនធ្លាប់មានចាប់តាំងពីសង្គ្រាមលោកលើកទីពីរមក ។
ព្រះមហាក្សត្រតី Elizabeth មានព្រះជន្ម៩២វស្សា មិនបានរំលឹកដល់ Brexit នោះឡើយនៅក្នុងសុន្ទរកជាប្រចាំរបស់ព្រះមហាក្សត្រី នៅវិទ្យាស្ថាន ស្ត្រី ក្នុងតំបន់ Norfolk ដោយមានព្រះបន្ទូលថា«គ្រប់ជំនន់ តែងតែប្រឈមមុខ នូវឧបសគ្គ និងឱកាស ។ យើងត្រូវតែពិភាក្សានិងគោរព ដល់ទស្សនៈលើកឡើង របស់គូភាគី ដើម្បីស្វែងរកមូលដ្ឋានរួម»។
ព្រះមហាក្សត្រី Elizabeth មានទស្សនៈកណ្តាល នៅក្នុងនយោបាយដឹកនាំប្រទេស ។ ព្រះមហាក្សត្រីមានឥទ្ថិពលយ៉ាងខ្លាំងទៅលើពលរដ្ឋ ពិសេសគឺការបោះឆ្នោត ប្រជាមតិកាលពីឆ្នាំ២០១៤ ពេលដែល Scotland ទាមទារឯករាជ្យចេញពីអង់គ្លេស ។
នៅពេលនេះកិច្ចពិភាក្សាស្តីពី Brexit ត្រូវបានជាប់គាំង ដោយសារតែមិនមានសំឡេងរួមគ្នា ។ នៅពេលនេះដែរ គណបក្សប្រឆាំង បានស្នើឲ្យមានការបោះឆ្នោតជាថ្មីម្តងទៀតស្តីពី Brexit ៕
