មេដឹកនាំ រុស្ស៊ី និងកូរ៉េខាងជើង ចាប់ផ្តើមពិភាក្សាគ្នាជាលើកដំបូង

នៅវេលាម៉ោង១៤ និង១០នាទី(ម៉ោងក្នុងតំបន់)ថ្ងៃទី ២៥ ខែមេសា ឆ្នាំ២០១៩ ប្រធានាធិបតីរុស្ស៊ី លោក ពូទីន បានជួបពិភាក្សាជាមួយ មេដឹកនាំ គីម ជុងអ៊ុន នៅសាលាមហាវិទ្យាល័យ FEFU ក្នុងទីក្រុង Vladivostok ។

នៅក្នុងជំនួបបើកជំហរ មានរយៈពេល១៥នាទី មេដឹកនាំពូទីន បានជូនពរ លោកគីម ជុងអ៊ុន ទទួលបានការបោះឆ្នោត ឲ្យកាន់តំណែងមេដឹកនាំជាន់ខ្ពស់ កូរ៉េខាងជើងដដែល ។ ប្រធានាធិបតី ពូទីន បង្ហាញភាពសប្បាយរីករាយយ៉ាងខ្លាំងចំពោះជំនួបនេះ ហើយសង្ឃឹមថា កូរ៉េខាងជើង និងរុស្ស៊ីបន្តសហការ ផ្តល់ទំនុកចិត្ត ក៏ដូចជាដោះស្រាយបញ្ហាបរមាណូ ។

លោក ពូទីន ក៏បានអបអរសាទរដល់ការ ខិតខំ របស់កូរ៉េខាងជើង ក្នុងការដោះស្រាយ បញ្ហាបរមាណូ និងធ្វើឲ្យប្រសើឡើងវិញក្នុងទំនាក់ទំនងជាមួយអាមេរិក ក៏ដូចជាកូរ៉េខាងត្បូង ។ លោកពូទីន បានគាំទ្រដល់ កិច្ចពិភាក្សា ឧបទ្វីប ឈានដល់សន្តិភាពពេញលេញ ។ ជាមួយគ្នានេះលោកពូទីនសង្ឃឹមថា រុស្ស៊ី និងកូរ៉េខាងជើង នឹងបង្កើនទំនាក់ទំនងពាណិជ្ជកម្ម សេដ្ឋកិច្ច វប្បធម៌ …កាន់តែប្រសើរឡើង ។

ចំណែកភាគីកូរ៉េខាងជើងវិញ មេដឹកនាំ គីម ជុងអ៊ុន បង្ហាញពីក្តីសង្ឃឹមថា នៅក្នុងជំនួបជាមួយប្រធានាធិបតីពូទីន ទំនាក់ទំនងទ្វេភាគី នឹងកាន់តែប្រសើរឡើង និងជួយដោះស្រាយបញ្ហានៅឧបទ្វីបកូរ៉េ ។

ក្រៅពីជំនួប រវាងមេដឹកនាំទាំងពីរ និងមានកិច្ចប្រជុំរួមបើកទូលាយ រវាងមន្ត្រីជាន់ខ្ពស់រុស្ស៊ី និងកូរ៉េខាងជើង ។ ក្រោយបញ្ចប់កិច្ចប្រជុំមេដឹកនាំទាំងពីរ នឹង ចូលរួមពិសាអាហារពេលយប់ជាមួយគ្នា រួចបន្តកម្មវិធីកម្សាន្ត នៅតំបន Vladivostok ៕