សារព័ត៌មាន នគរវត្ត តែងតែនាំមុខគេជានិច្ច
ដោយសារតែអាកាសធាតុ មិនអំណោយផល អ្នកដំណើរ ១៣៥នាក់ និងក្រុមពហុនិកា៧នាក់ ស្ទើរលោះព្រលឹង ពេលយន្តហោះចុះចតក្នុងស្ថានភាពអាកាសធាតុមិនអំណោយផល ហើយធ្លាក់ចូលក្នុងទឹកទន្លេ ។ ជាភព្វសំណាងមិនមានអ្នកស្លាប់ នៅក្នុងហេតុការណ៍គ្រោះថ្នាក់នេះឡើយ។
យន្តហោះខាងលើ ហោះហើរ ពីប្រទេសគុយបា បានចុះចតជ្រុលធ្លាក់ទៅលើទឹក ទន្លេជិតតំបន់ JackSonville រដ្ឋ Florida អាមេរិក ។ ហេតុការណ៍ខាងលើ កើតឡើង ពេលយន្តហោះចុះចតខុសផ្លូវ។
អ្នកនាំពាក្យក្រុមហ៊ុនអាកាសចរណ៍ Jacksonville បានឲ្យដឹងថា យន្តហោះ Boeing 737 បានធ្លាក់ចូលដងទន្លេSt.John’s ក្រោយពេលចុះចតនៅថ្ងៃទី៣ ខែឧសភា ។
អភិបាលក្រុង Jacksonville លោក Lenny Curry បានឲ្យដឹងថា អ្នកដំណើរទាំងអស់នៅលើយន្តហោះ មានសុវត្ថិភាព ដោយមិនមានអ្នកស្លាប់នោះឡើយ ។ ក្រុមជួយសង្គ្រោះបានទៅដល់កន្លែងកើតហេតុទាន់ពេលវេលា។
សារព័ត៌មានរ៉យទ័របានផ្សាយថា យន្តហោះ ចុះចតចំពេឡមានព្យុះ និងខ្យល់ខ្លាំង ។ យន្តហោះខាងលើជារបស់ក្រុមហ៊ុន អាកាសចរណ៍Miami Air ហោះហើរចេញពីឈូងសមុទ្រ Guantanamo ប្រទេសគុយបា ។នៅលើយន្តហោះមានអ្នកដំណើរ ១៤២ក្នុង រួមទាំងអាកាសយានិក ផងដែរ។
ប្រធានាធិបតីអាមេរិក ដូណាល់ត្រាំ ក៏បានទូរស័ព្ទ ជាបន្ទាន់ទៅកាន់ អភិបាលក្រុង Jacksonville ដោយស្នើឲ្យមានការជួយអន្តរគមន៍ជាបន្ទានផងដែរ ។ អ្នកនាំពាក្យក្រុមហ៊ុនអាកាសចរណ៍មិនទាន់បញ្ជាក់ពីមូលហេតុច្បាស់លាស់នោះឡើយ ដោយកំពុងបើកការស្រាវជ្រាវ បញ្ជាក់ការពិត ៕
