សារព័ត៌មាន នគរវត្ត តែងតែនាំមុខគេជានិច្ច
រុស្ស៊ីបានដាក់ពង្រាយ យន្តហោះស៊ើបការណ៍ និងប្រកាសអាសន្នបន្ទាន់ ប្រភេទ A-50 ទៅកាន់តំបន់ Kuban ភាគខាងត្បូងប្រទេសនេះជាប់ព្រំដែន ណាតូ ដើម្បីតាមដានសកម្មភាពហ្វឹកហាត់សមយុទ្ធ របស់ណាតូ ។
ការបញ្ជូនយន្តហោះស៊ើបការណ៍ទៅកាន់ព្រំដែនកើតឡើង ក្នុងពេលដែល សម្ពន្ធមិត្ត ណាតូ ធ្វើសមយុទ្ធជាទ្រង់ទ្រាយធំ នៅតំបន់អឺរ៉ុបខាងលើ តជាប់ព្រំដែន រុស្ស៊ី ។ សារព័ត៌មានរុស្ស៊ីបានផ្សាយថា យន្តហោះស៊ើបការណ៍ នឹងត្រូវ ការពារដោយយន្តហោះចម្បាំង ដ៏ទំនើប Su-27SM3។
ប្រទេសជាសមាជិកណាតូ ១៨ប្រទេស បានចាប់ផ្តើមធ្វើសមយុទ្ធ នៅដែនសមុទ្រ បាល់តិចដែលជាសមយុទ្ធប្រចាំឆ្នាំ មានឈ្មោះថា BALTOPS ។
នេះជាសមយុទ្ធ ទ្រង់ទ្រាយធំបំផុតមិនធ្លាប់មានពីមុនមក សមយុទ្ធលើកនេះ ដឹកនាំដោយអាមេរិក ដោយមានគោលដៅបង្កើនសមត្ថភាពការពារ ប្រទេសជាសមាជិកណាតូ រួចផុតពីការគំរាមកំហែង ។ នៅក្នុងសមយុទ្ធលើកនេះ មានទាហាន ជាង៨ពាន់នាក់ចូលរួម និងនាវាចម្បាំង ៥០គ្រឿង និងយន្តហោះចម្បាំង១៨គ្រឿង។
នៅក្នុងយុទ្ធសាស្ត្រធ្វើសមយុទ្ធ លើកនេះ រួមមាន ស្វែងរក បំផ្លាញមីស៊ីលបុក និងនាវាមុជទឹក ប្រព័ន្ធការពារដែនអាកាស វាយលុកឡើងគោក ។ តាមការលើកឡើងរបស់ណាតូ ការធ្វើសមយុទ្ធ ខាងលើមិនសំដៅទៅលើប្រទេសណាមួយនោះឡើយ ។
ប៉ុន្តែកន្លងក រដ្ឋមន្ត្រីការពារជាតិរុស្ស៊ី លោក Sergey Shoigu បានប្រកាសថា ណាតូកំពុងតែព្យាយាមបំផ្លាញសន្តិសុខ នៅក្នុងតំបន់ និងពិភពលោក ។ ជាមួយគ្នានេះ សកម្មភាពរបស់ ណាតូ នឹងធ្វើឲ្យសន្តិសុខព្រំដែន ជាប់រុស្ស៊ីកាន់តែតានតឹង ហើយទីក្រុងមូស្កូត្រូវចាត់វិធានការ តប់តវិញនូវការធ្វើសមយុទ្ធខាងលើ ៕
