ព័ត៌មានទាន់ហេតុការណ៍៖

ក្រុមឧទ្ទាមហ្វីលីពីនជាច្រើន ត្រូវបានសម្លាប់នៅក្នុងការប៉ះទង្គិចគ្នាជាមួយទាហានរដ្ឋាភិបាល

ចែករំលែក៖

ទាហានរដ្ឋាភិបាលហ្វីលីពីន ក្រោមការដឹកនាំរបស់ប្រធានាធិបតី ឌូទើទេ​ បានចាត់វិធានការតឹងតែងបំផុត ចំពោះក្រុមជ្រុលនិយមនៅក្នុងប្រទេសនេះដែលតែងតែប្រឆាំង និងរដ្ឋាភិបាល ។

កាលពីថ្ងៃទី២ ខែកក្កដា ឆ្នាំ២០១៩ ​អ្នកនាំពាក្យ​ទាហានហ្វីលីពីន បានប្រកាសថា ក្រុមឧទ្ទាម​ កងទ័ពប្រជាជនថ្មី (NPA)​ត្រូវបានសម្លាប់​ ក្នុងការប៉ះទង្គិច​​មួយ​កើតឡើង​នៅ​ទីក្រុង Lupi ខេត្ត Camarines Sur របស់ប្រទេសហ្វីលីពីន ។

ការប្រយុទ្ធគ្នា​កើតឡើង​ប្រហែល​៣០នាក់នាទី ​នៅក្នុងភូមិ San Vicente វេលាម៉ោង​១២ និង៣០នាទី​រសៀល ថ្ងៃទី១ ខែកក្កដា បន្ទាប់ពី​កងទ័ពរដ្ឋាភិបាល​ទទួលបានព័ត៌មាន​ពីអ្នកភូមិរាយការណ៍ថា មានក្រុម​ឧទ្ទាម NPA ប្រហែល​១៥នាក់ ​វត្តមាននៅក្នុង​ភូមិមួយនេះ ។

មេបញ្ជាការហ្វីលីពីន Ricky Aguilar បានថ្លែងថា ខាងកងកម្លាំងរដ្ឋាភិបាល​មិនមានរងរបួសឡើយ ​ក្នុងការប៉ះទង្គិចនេះ ។ ក្រុមឧទ្ទាម​រត់ភៀសខ្លួន​អស់ ក្រោយ​ប៉ះទង្គិច ។ កងទ័ពរដ្ឋាភិបាល​ យកបានកាំភ្លើង M16 ប្រាំមួយដើម និងកាំភ្លើង M653 មួយដើម, គ្រាប់បែក និងឯកសារមួយចំនួន​ ។

សូមបញ្ជាក់ថា ក្រុមឧទ្ទាម​ NPA បានកកើត​ និងវាយប្រហារ​ប្រឆាំងរដ្ឋាភិបាលហ្វីលីពីន ​តាំងពីឆ្នាំ១៩៦៩​មកម្ល៉េះ ។ គោលដៅវាយប្រហាររបស់ក្រុមឆ្វេងនិយមនេះ​ គឺធ្វើឡើងសំដៅ​កងកម្លាំងសន្តិសុខហ្វីលីពីន, មន្ត្រីរដ្ឋាភិបាល, ប្រព័ន្ធហេដ្ឋារចនាសម្ព័ន្ធ និងទីតាំងពាណិជ្ជកម្ម​ដែលបដិសេធមិនបង់ប្រាក់​ជូនពួកគេ ឬដែលហៅថា ពន្ធបដិវត្តន៍​នោះ ។

ទ័ពព្រៃ​ NPA ជាក្រុមឧទ្ទាម​ដែលឈ្មោះយូរលង់បំផុត​នៅតំបន់អាស៊ី ។ ក្រុមនេះផ្តោត​ការវាយប្រហាររបស់ខ្លួន​នៅតាមទីជនបទ និងការប៉ះទង្គិច​ទ្រង់ទ្រាយ​តូច​ៗជាមួយកងកម្លាំង​យោធា​ផងដែរ ៕


ចែករំលែក៖