សារព័ត៌មាន នគរវត្ត តែងតែនាំមុខគេជានិច្ច
ស្ថានភាពកាន់តែតានតឹងខ្លាំងឡើងនៅក្នុងតំបន់សមុទ្រពែក្ស ប្រទេសជាច្រើននៅជុំវិញពិភពលោក បង្ហាញពីក្តីបារម្ភយ៉ាងខ្លាំងដល់សុវត្ថិភាព របស់នាវាដឹកទំនិញខ្លួនខ្លាច ត្រូវរងការវាយប្រហារ ឬត្រូវ អ៊ីរ៉ង់ចាប់ខ្លួន ។ ជាមួយគ្នានោះដែរ ក្រុមចោរសមុទ្រ ក៏បានបង្កើនសកម្មភាពប្លន់នាវាដឹកទំនិញផងដែរ ។
បច្ចុប្បន្ន មានប្រទេសជាច្រើនបានបញ្ជូននាវាចម្បាំងទៅការពារនាវាដឹកទំនិញរបស់ខ្លួន ក្នុងនោះមាន ក្នុងនោះមានប្រទេស អូស្ត្រាលី បារាំង អាល្លឺម៉ង់ ជប៉ុន ន័រវេស កូរ៉េខាងត្បូង អង់គ្លេស … ។
នៅថ្ងៃទី២៩ ខែកក្កដានេះ កម្លាំងទាហានជើងទឹកអង់គ្លេសបានបញ្ជូននាវាចម្បាំងបន្ថែមមួយគ្រឿងទៀតទៅកាន់សមុទ្រពែក្ស ។ ជាមួយគ្នានេះកូរ៉េខាងត្បូង ក៏បានប្រកាសថា និងបញ្ជូននាវាចម្បាំង មួយគ្រឿងដ៏ទំនើបទៅកាន់ដែនសមុទ្រពែក្សនៅដើម ខែសីហា ខាងមុខ ជាការឆ្លើយតបទៅ នឹងអាមេរិកបានស្នើឲ្យបញ្ជូនទាហានទៅចូលរួមការពារ ។
បច្ចុប្បន្នកម្លាំងទាហានជើងទឹកកូរ៉េខាងត្បូង កំពុងតែបំពេញការងារប្រឆាំងក្រុមចោរសមុទ្រ នៅតំបន់សមុទ្រស៊ូម៉ាលីនៅជិតដែនសមុទ្រពែក្ស ។ ចាប់តាំងពីឆ្នាំ២០០៩ មកទល់ពេលនេះ នាវាចម្បាំង របស់កូរ៉េខាងត្បូង បានជួយការពារនាវាដឹកទំនិញរបស់កូរ៉េខាងត្បូង ក៏ដូចជារបស់ប្រទេសផ្សេងទៀតដែលឆ្លងកាត់ដែនសមុទ្រនោះ ។ កន្លងមកកូរ៉េខាងជើងតែងតែចូលរួមនៅក្នុងសកម្មភាពយោធាដឹកនាំដោយអាមេរិក ។
ការប្រឈមមុខតានតឹងរវាងអ៊ីរ៉ង់ និងបណ្តាប្រទេសលោកខាងលិចកាន់តែខ្លាំងឡើង ក្រោយពេលនាវាដឹកប្រេងមួយគ្រឿងរបស់អ៊ីរ៉ង់ត្រូវអង់គ្លេសចាប់នៅដែនសមុទ្រ Gibraltar ដោយសង្ស័យថាបានដឹកប្រេងទៅកាន់ប្រទេសស៊ីរីបំពានច្បាប់ដាក់ទណ្ឌកម្មរបស់អឺរ៉ុប ។ ក្រោយមកនាវាដឹកប្រេងពីរគ្រឿងរបស់អង់គ្លេស ត្រូវអ៊ីរ៉ង់ចាប់ខ្លួនផងដែរបង្ខំឲ្យ ប្រទេសនេះបញ្ជូននាវាចម្បាំង ពីរគ្រឿងទៅការពារនាវាដឹកប្រេង របស់ខ្លួនឆ្លងកាត់ទីនោះ ៕
