សារព័ត៌មាន នគរវត្ត តែងតែនាំមុខគេជានិច្ច
កិច្ចពិភាក្សាស្វែងរកសន្តិភាពនៅក្នុងប្រទេសអាហ្វហ្គានីស្ថាន រវាងអាមេរិក និងក្រុមតាលីបង់ បានដើរដល់ពាក់កណ្តាលផ្លូវ ហើយសន្តិភាពនៅក្នុងប្រទេសនេះ បានឃើញពន្លឺតិចៗហើយ ។ប៉ុន្តែប្រធានាធិបតីអាមេរិក ដូណាល់ ត្រាំ ស្រាប់តែ លុបកិច្ចពិភាក្សា ភា្លមៗ ធ្វើឲ្យក្រុមតាលីបង់ខឹងយ៉ាងខ្លាំង ហើយ ព្រមានវាយប្រហារអាមេរិកទៀតផង។
នៅពេលនេះ ក្នុងតាលីបង់ មិនមានទំនុកចិត្តទៅលើ គម្រោងសន្តិភាពនៅអាហ្វហ្គានីស្ថានឡើយហើយគណៈប្រតិភូតាលីបង់ បានទៅកាន់ប្រទេសរុស្ស៊ី ហើយបាជួប ប្រឹក្សាជាមួយលោក Zamir Kabulov ឧបការីប្រធានាធិបតី រុស្ស៊ី លោកពូទីនស្តីពី ដំណើរសន្តិភាពនៅប្រទេសអាហ្វហ្គានិស្ថាន។
សារព័ត៌មាន AP បានផ្សាយថា គណៈប្រតិភូតាលីបង់ ដឹកនាំដោយលោក Mullah Sher Mohammad Stanikzai កាលពីថ្ងៃទី១៣ ខែកញ្ញា បានទៅដល់ប្រទេសរុស្ស៊ី។ សកម្មភាពខាងលើរបស់ថ្នាក់ដឹកនាំក្រុមតាលីបង់កើតឡើង ក្រោយពេលអាមេរិក ប្រកាសលុបកិច្ចពិភាក្សាសន្តិភាពជាមួយ ក្រុមតាលីបង។
សារព័ត៌មាន TASS របស់រុស្ស៊ីបានដកស្រង់ប្រភពព័ត៌មាន ពីអ្នកនាំពាក្យក្រុមតាលីបង់បានឲ្យដឹងថា គណៈប្រតិភូតាលីបង់ បានជួបប្រឹក្សាជាមួយ ឧបការី ប្រធានាធិបតីរុស្ស៊ីស្តីពីស្ថានភាពនៅក្នុងប្រទេសប៉ាគីស្ថាន ក៏ដូចជាដំណើរឆ្ពោះទៅរកសន្តិភាពនៅក្នុងតំបន់នេះ។នេះជាដំណើរទៅកាន់ប្រទេសរុស្ស៊ីលើកដំបូងរបស់ក្រុមតាលីបង់ ក្នុងគោលដៅស្វែងរកដំណោះស្រាយ បញ្ចប់សង្គ្រាម ឈានទៅរកសន្តិភាព។
ប្រទេសក្នុងតំបន់ ក្នុងនោះមានប៉ាគីស្ថានជាដើមចង់ឲ្យមានសន្តិភាពនៅក្នុងប្រទេសប៉ាគីស្ថាន។ កន្លងមកថ្មីៗរដ្ឋាភិបាលប៉ាគីស្ថានបានស បានអំពាវនាវដល់ អាមេរិក និងតាលីបង់ រៀបចំគម្រោងពិភាក្សាជាថ្មីឈានទៅរកសន្តិភាព ចៀសវាងការប្រឈមមុខដោយអាវុធដាក់គ្នា ។ ប៉ុន្មានថ្ងៃកន្លងមក ក្រុមតាលីបង់ បានបើកការវាយប្រហារភេរវកម្មទៅលើទីតាំងជាច្រើន ចាប់តាំងពីអាមេរិក បានបំផ្លាញគម្រោងសន្តិភាព ដោយលុបចោលកិច្ចពិភាក្សា នៅពាក់កណ្តាលផ្លូវ៕
