សារព័ត៌មាន នគរវត្ត តែងតែនាំមុខគេជានិច្ច
ដោយការជាប់គាំងនយោបាយ មិនអាចបង្កើតរដ្ឋាភិបាលថ្មី អ៊ីស្រាអែលប្រឈមនឹងការបោះឆ្នោត លើកទី៣ ក្នុងរយៈមួយឆ្នាំ ។ រយៈពេលជាងមួយខែកន្លងមក នាយករដ្ឋមន្ត្រី ណេតានយ៉ាហូ មិនអាចបង្កើតរដ្ឋាភិបាលបាន ហើយកាលពីថ្ងៃទិ២០ ខែវិច្ឆិកា កន្លងមក លោក Benny Gantz មេបក្សប្រឆាំង ក៏មិនអាចបង្កើតរដ្ឋាភិបាលបានតាមពេលកំណត់ ។ ហេតុការណ៍ទាំងនោះ ធ្វើឲ្យអ៊ីស្រាអែលធ្លាក់ក្នុងដំណាក់កាល បោះឆ្នោត៣លើកចាប់តាំងពីខែមេសា ឆ្នាំ២០១៩មក។
ជាមួយគ្នានេះដែរនៅក្នុងបទចោទប្រកាន់ ជាផ្លូវការដែនបានប្រកាសជាសាធារណៈ បង្ហាញឲ្យឃើញថា នាយករដ្ឋមន្ត្រីអ៊ីស្រាអែល Netanyahu បានប្រព្រឹត្តបទល្មើស៣ផ្សេងគ្នា ក្នុងនោះមាន ទទួលសំណូក ការរំលោភលើការទុកចិត្តនិងការក្លែងបន្លំ ។
នេះជាលើកទីមួយក្នុងប្រវត្តិសាស្ត្រអ៊ីស្រាអែល មេដឹកនាំនៅមានអំណាចរងការចោទប្រកាន់ ល្មើសច្បាប់ ។ ចំណុចខាងលើ គឺជាឧបស័គយ៉ាងធំធេងដល់ការខិតខំរក្សាអំណាចរបស់លោកណេតាន់យ៉ាហូ ។
មានប្រសាសន៍តាមកញ្ចក់ទូរទស្សន៍កាលពីថ្ងៃទី២១ ខែវិច្ឆិកា អគ្គមេធាវី លោក Avichai Mandelblit បានមានប្រសាសន៍ថា «ខ្ញុំបានប្រកាសទៅកាន់មេធាវីរបស់នាយករដ្ឋមន្ត្រី ស្តីពីការសម្រេចចោទប្រកាន់ បទល្មើសចំនួន៣ » ។ នៅមុនការចោទប្រកាន់មួយថ្ងៃ នាយករដ្ឋមន្ត្រីអ៊ីស្រាអែល បានបញ្ជាក់ថា នេះជាពេលវេលាក្រៀមក្រាំ បំផុតសម្រាប់ផ្ទាល់ខ្លួនខ្ញុំនិង មហាជនអ៊ីស្រាអែល។
ណេតានយ៉ាហូ នៅតែបន្តកាន់តំណែងជានាយករដ្ឋមន្ត្រី ដដែលចាំបាច់ត្រូវលាលែងចេញពីដំណែងឡើយបើទោះបីរងការចោទប្រកាន់ទោសក្តី។ ការបើកសវនាការកាត់ទោស លោក នឹងត្រូវធ្វើឡើង ក្នុងរយៈពេលជាច្រើនខែខាងមុខទៀតដោយសារតែ អ៊ីស្រាអែលនិងមានការបោះឆ្នោតថ្មីកើតឡើងជាបន្តទៀត៕
