សារព័ត៌មាន នគរវត្ត តែងតែនាំមុខគេជានិច្ច
តាមការលើកឡើងរបស់ កម្លាំងប៉ូលិស នូវេហ្សេឡង់បានឲ្យដឹងអ្នកអ្នកទេសចរណ៍ប្រមានជាង១ពាន់នាក់ ត្រូវជាប់គាំង ។ ក្រសួងការពារជនស៊ីវិលរបស់ប្រទេសនូវែលហ្សេឡង់បានបញ្ជាក់ថា អ្នកទេសចរណ៍ប្រហែល១ពាន់នាក់បានជាប់គាំងនៅទីតាំងរមណីយដ្ឋានទេសចរណ៍ដ៍ទាក់ទាញរបស់នូវែលហ្សេឡង់ ដោយសារតែការបាក់ដីយ៉ាងធំ។
ប្រភពបានបញ្ជាក់ថា ផ្ទាំងដីយ៉ាងធំមួយបានបាក់នៅជិតំបន់ Franz និងតំបន់ផ្ទាំងទឹកកក Fox ដែនកោះភាគខាងត្បូងរបស់ប្រទេសនូវែលហ្សេឡង់ បណ្តាលឲ្យអ្នកទេសចរណ៍ជាប់គាំងនៅទីនោះ ។ ការជាប់គាំងរបស់អ្នកទេសចរណ៍ ប្រហែលនៅរហូតដល់ថ្ងៃទី១៣ ខែធ្នូ ទើបអាចមានការជម្លៀសខ្លួនចេញបាន ។
គួរបញ្ជាក់ថា ហេតុការណ៍បាក់ដីនេះបានកើតមាន បន្ទាប់ពីកាលពីចុងសប្តាហ៍មុននេះ ប្រទេសនូវែលហ្សេឡង់បានប្រកាសព្រមានអំពីអាកាសធាតុអាក្រក់កើតមាននៅពាស់ពេញប្រទេសតែម្តង ហើយថា វាបានបង្កឲ្យមានគ្រោះទឹកជំនន់ និងបាក់ដី ជាពិសេសបង្កឲ្យដាច់ចរន្តអគ្គិសនី ។
បណ្តាស្រុកជាច្រើនស្ថិតនៅក្នុងរដ្ឋមួយចំនួនរបស់នូវែលសេឡង់បានប្រកាសស្ថិតនៅក្នុងគ្រាអាសន្នអំពីបញ្ហាគ្រោះទឹកជំនន់តាំងពីថ្ងៃទី៧ ខែធ្នូរហូតមកម្ល៉េះ ។
អាជ្ញាធរនៅក្នុងតំបន់បានស្នើឲ្យប្រជាជនកាត់បន្ថយការធ្វើដំណើរចេញទៅខាងក្រៅ ជាពិសេសនៅក្នុងរវាងចន្លោះស្រុក Timaru និងស្រុក Christchurch ដោយសារស្ថានភាពផ្លូវទឹកលិច បែកភក់ល្បាប់ បញ្ហាផ្គរន្ទះជាដើម អាចគំរាមកំហែងដល់សុខសុវត្ថិភាពរបស់ពួកគេ ៕
