ព័ត៌មានទាន់ហេតុការណ៍៖

ចិនមិនធ្វើទេ មហាអំណាចសង្គ្រាម តែចិនជាមហាអំណាចសន្តិភាព

ចែករំលែក៖

រយៈពេលកន្លងមក អាមេរិកបានខិតខំ​ទប់ស្កាត់ចិន ដោយខ្លាចចិនដណ្តើមមហាអំណាចយោធាទីមួយពីអាមេរិក ។ នៅពេលនេះចិនបានលើកឡើងថា​ ចិនជាមហាអំណាសន្តិភាព មិនមែនយោធា ឬសង្គ្រាមនោះឡើយ ។

បច្ចុប្បន្នចិនដើរតួនាទីយ៉ាងសំខាន់ នៅលើឆាកអន្តរជាតិ ក្នុងនោះមានទំនាក់ទំនងការបរទេស និង វិស័យសេដ្ឋកិច្ច ដោយចិនបានជួយដល់ប្រទេសជុំវិញពិភពលោក ឆ្លងផុតវិបត្តិសេដ្ឋកិច្ច និងមានសេដ្ឋកិច្ចរីកចំរើន ។

កត្តាទាំងនោះហើយ បានជាក្រុមអ្នកឯកទេសលើកឡើងថា នៅឆ្នាំ២០៣០ ចិននឹងក្លាយជាមហាអំណាចសេដ្ឋកិច្ច, នៅឆ្នាំ២០៤៩ ចិននឹងមានកម្លាំងយោធាខ្លាំងបំផុត លើពិភពលោក ។

ក្រុមអ្នកឯកទេសវិភាគបានលើកឡើងថា ចិនរីកចម្រើន យ៉ាងខ្លាំងប៉ុន្មានឆ្នាំចុងក្រោយនេះ លើគ្រប់វិស័យ ទាំងសេដ្ឋកិច្ចពាណិជ្ជកម្ម យោធា ក៏ដូចជា បច្ចេកវិទ្យា ។ មិនតែប៉ុណ្ណោះ ចិនមានគោលនយោបាយការបរទេស យ៉ាងរឹងមាំ ដោយបានជួយដល់ប្រទេសជាច្រើន នៅជុំវិញពិភពលោក និងទំនាក់ទំនងសេដ្ឋកិច្ចយោធាយ៉ាងរឹងមាំ ។

ក្រុមអ្នកឯកទេសវិភាគបានលើកឡើងថា នៅឆ្នាំ២០៣០ ចិននឹងក្លាយជាប្រទេសមហាអំណាចសេដ្ឋកិច្ចទីមួយ លើកពិភពលោក ហើយនៅឆ្នាំ២០៤៩ ចិនមានយោធាខ្លាំងបំផុត សូម្បីតែអាមេរិក ក៏មិនអាចប្រៀបផ្តឹមបានឡើយ ។

ចំណុចទាំងនោះ ជាក្តីកង្វល់យ៉ាងខ្លាំង ចំពោះអាមេរិក ពីការបាត់បង់តំណែងមហាអំណាចទីមួយ លើពិភពលោក ។ ទំាងនោះហើយ ទើបអាមេរិក ខំរកគ្រប់វិធីសាស្ត្រទប់ស្កាត់ចិន ។ ការរារាំងសេដ្ឋកិច្ចចិនរីកចម្រើន គឺជារឿងមួយដ៏សំខាន់បំផុតសម្រាប់អាមេរិក ប៉ុន្តែការរារាំងនោះ មិនទទួលបានជោគជ័យ ដោយចិនមានប្រទេសជាច្រើនគាំទ្រ ។

ពេលថ្មីៗនេះ ទីក្រុង​ប៉េកាំង បាននិយាយ​ប្រាប់​ទៅ​ក្រុមសម្ព័ន្ធអាត្លង់ទិក ថា មហាអំណាចចិន ជា​មហាអំណាច​សន្តិភាព ប៉ុន្តែ មិន​គំរាមកំហែង​ពិភពលោកនោះទេ ។ ប្រតិកម្ម​របស់​ប្រទេស​ចិន ធ្វើឡើង​នៅមួយ​ថ្ងៃ​ក្រោយ ក្រុមប្រទេស​សមាជិក​អូតង់ ដែល​បើកជំនួបកំពូល​នៅប្រទេស​អង់គ្លេស បាន​ចេញសេចក្តីថ្លែងការណ៍ រួម ចាត់ទុក​ចិន ជាមហាអំណាច​ដែល​កំពុង​កើនឥទ្ធិពលខ្លាំង ដែល​គេត្រូវ​ប្រឈម​នៅក្នុង​គ្រប់វិស័យ តាំង​ពី​យោធា សេដ្ឋកិច្ច រហូត​ដល់​បច្ចេកវិទ្យា ។

សម្ព័ន្ធអាត្លង់ទិក​អូតង់ ដែល​ត្រូវ​បាន​បង្កើតឡើងកាលពី​៧០ឆ្នាំមុន​ដើម្បី​ប្រឈម​ទប់ទល់​នឹង​ការគំរាមកំហែង ឥទ្ធិពល​របស់​សហភាព​សូវៀត បាន​បែរ​ចំណាប់អារម្មណ៍ សំដៅ​ប្រទេស​ចិន​វិញ​ម្តង ។ នៅក្នុង​សេចក្តីថ្លែងការណ៍​រួម កាលពី​ថ្ងៃ​ពុធ ក្រុមប្រទេស​សមាជិក​អូតង់​ទាំង​២៩​បាន​ទទួល​ស្គាល់​ជា​លើកទី ១ ថា មហាអំណាច​ចិន កំពុង​ពង្រីក​ឥទ្ធិពល ដែល​បក្សសម្ព័ន្ធ​អូតង់​ត្រូវរួមគ្នាដោះស្រាយ ។

តាំង​ពី​ថ្ងៃ​អង្គារ អគ្គលេខាធិការ​អង្គការ​អូតង់ លោក Jens Stoltenberg បាន​រំលឹក​និយាយ​ពី​ប្រទេស​ចិន ដែល​រង​ការចោទ​ប្រកាន់​ថា បាន​បើកការវាយប្រហារ​តាម​អ៊ីនធ័រនែត ប្រឆាំង​ប្រទេស​នៅអឺរ៉ុប ធ្វើការចារកម្ម​ឧស្សាហកម្ម ដែល​នេះ​គឺ​ជាគ្រោះថ្នាក់​សម្រាប់​សន្តិសុខ​របស់​ប្រទេស​សមាជិក​អូតង់ ។

តាម​អគ្គលេខាធិការ​អូតង់ នៅក្នុង​ពេលខាងមុខ ប្រទេស​ចិន​នឹង​ក្លាយ​ជា​ប្រទេស​មហាអំណាច​សេដ្ឋកិច្ច ។ ប៉ុន្តែ នៅពេលនេះ ចិន​បាន​​ក្លាយ​ជា​ប្រទេស​ធំទី២ នៅក្នុង​ពិភពលោក បន្ទាប់ពី​អាមេរិក ក្នុង​នាមជាប្រទេស​ដែល​ចំណាយ​ថវិកា​ច្រើនបំផុត សម្រាប់​កងទ័ព ។ នៅក្នុង​រយៈពេល ៥ឆ្នាំ​ចុងក្រោយនេះ ចិន​បាន​បន្ថែម​ចំនួន​នាវាចម្បាំង និង​នាវាមុជទឹក ៨០​គ្រឿង ដល់​កងទ័ព​ជើងទឹក​របស់ខ្លួន ដែល​ស្មើ​នឹង​ចំនួន​ដែល​ប្រទេស​អង់គ្លេស​កំពុងមាន ។ ព្យុហយាត្រា​នៅក្នុង​ខួប​កងទ័ពជាតិ​ចិន​កន្លងមក​បានបង្ហាញថា ចន មាន​មីស៊ីល​ចម្ងាយមធ្យម ដែល​អាច​រំលោភ​សន្ធិសញ្ញា​អន្តរជាតិ មាន​មីស៊ីល​អន្តរទ្វីប​ដែលអាច​បាញ់​ដល់ទឹកដី​អាមេរិក និង​អឺរ៉ុប ។ សម្រាប់ ប្រមុខ​អូតង់​អំណាច ឥទ្ធិពល​របស់​ចិន មាន​លើស​កម្លាំងយោធា ព្រោះ​ចិន​បានក្លាយ​ជា​ប្រទេស​នាំមុខគេ​ខាងអភិវឌ្ឍ​បច្ចេកវិទ្យា ដែលមានតាំង​ពី​ប្រព័ន្ធទូរស័ព្ទ5G របស់​ក្រុមហ៊ុន​Huawei និង​ម៉ាស៊ីន​សម្រាប់​ស្តុកទុក​ទិន្នន័យ​ក្នុង​ពិភពលោក ។

ប្រតិកម្ម​តប​នឹង​សេចក្តីថ្លែងការណ៍​រួម​របស់​អូតង់ អ្នកនាំពាក្យ​របស់​ក្រសួងការបរទេស​ចិន នៅថ្ងៃ​ម្សិលមិញ បាន​និយាយ​ធានា​ថា មហាអំណាច​ចិន​ដែល​កើនឡើង ជា​មហាអំណាច​សន្តិភាព ។ ដោយ​មិន​និយាយ​ដល់​សហរដ្ឋអាមេរិក អ្នកនាំពាក្យ​របស់ក្រសួងការបរទេស​ចិន​បាន​វាយតម្លៃ​ថា គឺនយោបាយ​ឯកតោភាគី ការបំផិតបំភ័យ ដែល​គំរាមកំហែង​ពិភពលោក ។ “សូម្បី សម្ព័ន្ធមិត្ត​របស់អាមេរិកក៏​រងគ្រោះ​ដោយសារ​នយោបាយ​ឯកតោភាគី​នេះដែរ” ។

សម្រាប់​រដ្ឋមន្រ្តីការពារ​ជាតិ​អាមេរិក Mark Esper មាន​ប្រទេស​អឺរ៉ុប​កាន់តែ​ច្រើន​ដែល​យល់​ថា ការពង្រីក​វិស័យយោធា​របស់​ចិន គឺជា​ការប្រឈមមួយ​ធំ ។ ចិន​ជា​មាន​យុទ្ធសាស្រ្ត​យោធា​ដែល​អាច​គ្រោះថ្នាក់​ដល់​ប្រទេស​សមាជិក​សម្ព័ន្ធមិត្ត​អូតង់ ប៉ុន្តែ នេះ​មិនមែន​មានន័យថា ចិន​ឥលូវនេះ ជាសត្រូវ​របស់អូតង់​នោះទេ ។ រដ្ឋមន្រ្តី​ការពារ​ជាតិ​អាមេរិក​ចង់​ឲ្យ​សម្ព័ន្ធអូតង់​ត្រូវ​គិតគូរ​ពីបញ្ហា​នេះ និង​ត្រូវ​រៀបចំ​ខ្លួនទប់ទល់ ក្នុង​ករណី​ដែល​គេ​លែង​គិត​ដូចមុនថា ចិន​មិនមែន​ជា​សត្រូវ​របស់​អូតង់៕

 


ចែករំលែក៖