សារព័ត៌មាន នគរវត្ត តែងតែនាំមុខគេជានិច្ច
រយៈពេលកន្លងមក រុស្ស៊ីបានលក់អាវុធ ឲ្យរដ្ឋាភិបាលស៊ីរីជាច្រើន ធ្វើឲ្យអាមេរិកខឹងសម្បារយ៉ាងខ្លាំង ។ នៅពេលនេះអាមេរិក រកហេតុផលចោទប្រកាន់ទៅលើរុស្ស៊ីជាអ្នកគាំទ្រភេរវកម្ម ដើម្បីដាក់បញ្ជូនរុស្ស៊ីក្នុងបញ្ជីខ្មៅ ។
គណៈកម្មការកិច្ចការបរទេសរបស់សភាអាមេរិក បានអនុម័ត សេចក្តីព្រាងច្បាប់ ចាត់ទុក រុស្ស៊ីជាប្រទេសគាំទ្រភេរវកម្ម ។ នៅក្នុងសេចក្តីព្រាងច្បាប់នោះ ក្រសួងការបរទេសអាមេរិក និងព្រឹក្សា ជាមួយក្រសួងការពារជាតិ ដើម្បីកំណត់ក្រុមហ៊ុន បុគ្គលរុស្ស៊ី ដែលបានគាំទ្រដល់ក្រុមភេរវកម្ម ទាំងហិរញ្ញវត្ថុ និងអាវុធ ។ សកម្មភាពគាំទ្ររបស់រុស្ស៊ី ជាហេតុធ្វើឲ្យរដ្ឋាភិបាលស៊ីរី ទិញអាវុធពីរុស្ស៊ីកាន់តែច្រើន ។
ក្រៅពីនេះ រដ្ឋមន្ត្រីការបរទេសអាមេរិក និងត្រួតពិនិត្យ ទៅលើបុគ្គល រុស្ស៊ី ជាអ្នកគាំទ្រដល់ក្រុមភេរវកម្ម ហើយបញ្ជូនទៅកាន់សភាអនុម័ត ក្នុងរយៈពេល ៩០ថ្ងៃ ។ ក្នុងរយៈពេលនោះ ក្រសួងការបរទេសអាមេរិក បញ្ចាក់ឲ្យបានច្បាស់ថា ក្រុមប្រដាប់អាវុធដែលគ្រប់គ្រងដោយរុស្ស៊ីក្នុងនោះមាន ក្រុម LPR និង DPR មកពីតំបន់សាធារណរដ្ឋ Lugansk និង Donetsk ជាក្រុមភេរវកម្មបរទេសដែរឬទេ ។
ប្រសិនបើច្បាប់ខាងលើត្រូវបានអនុម័តនោះ បុគ្គល និងក្រុមហ៊ុន ស្ថានប័នមួយចំនួននៅរុស្ស៊ីស្ថិតនៅក្នុងបញ្ជីខ្មៅរបស់អាមេរិក គឺត្រូវហាមប្រាមចូលទឹកដីអាមេរិក បង្កកប្រាក់ ហាមរកស៊ីជាមួយជនជាតិអាមេរិក ។ បច្ចុប្បន្ន ប្រទេសស្ថិតនៅក្នុងបញ្ជីខ្មៅគាំទ្រភេរវកម្មរបស់អាមេរិក មាន អ៊ីរ៉ង់ កូរ៉េខាងជើង ស៊ីរី ស៊ូដង់ គុយបា អ៊ីរ៉ាក់ លីប៊ី៕
