សារព័ត៌មាន នគរវត្ត តែងតែនាំមុខគេជានិច្ច
នៅពេលនេះ អាមេរិកចិនបានកំណត់ពេលវេលាចុះហត្ថលេខា ជាផ្លូវការលើកិច្ចព្រមព្រៀងពាណិជ្ជកម្ម ដំណាក់កាលទីមួយ ។ នៅសប្តាហ៍ក្រោយនេះ អាមេរិក និងចិន ចុះហត្ថលេខាលើកិច្ចព្រមព្រៀងពាណិជ្ជកម្មជាផ្លូវការ ដំណាក់កាលទីមួយ ។ ពិធីចុះហត្ថលេខា នឹងធ្វើឡើងនៅទីក្រុង វ៉ាស៊ីនតោន អាមេរិក ។ នេះជាជំហានវិជ្ជមាន ក្នុងការកាត់បន្ថយកម្តៅ ពាណិជ្ជកម្ម អាមេរិក-ចិនបានតានតឹងអស់រយៈពេលជិតពីរឆ្នាំកន្លងមក ។
អ្នកនាំពាក្យក្រសួងពាណិជ្ជកម្មចិនបានបញ្ជាក់ថា ឧបនាយករដ្ឋមន្ត្រីចិន លោក លីវ ហ៊ី នឹងទៅកាន់ទីក្រុងវ៉ាស៊ីនតោន នាថ្ងៃទី១៣ ខែមករា ហើយចុះហត្ថលេខានៅថ្ងៃទី១៥ ខែមករា។ នេះជាការប្រកាសផ្លូវការរបស់ភាគីចិន ស្តីពីកិច្ចព្រមព្រៀង ដំណាក់កាលទីមួយ។ជាមួយគ្នានេះ ភាគីទាំងពីរនៅតែបន្តកិច្ចពិភាក្សា ដើម្បីឈានដល់កិច្ចព្រមព្រៀងជាបន្តបន្ទាប់នាពេលខាងមុខ ។
សារព័ត៌មាន Business Insider បានផ្សាយថាអាមេរិកនិងចិនបានបង្ហាញពីចំណុចមួយចំនួននៅក្នុងកិច្ចព្រមព្រៀងដំណាក់កាលទីមួយ ក្នុងនោះមានកាត់បន្ថយ ពន្ធ១៥ភាគរយនាំចូលពីចិនមានទឹកប្រាក់១២០លានដុល្លារ ។
លោក Huo Jiangou អ្នកឯកទេសវិភាគ របស់ក្រសួងពាណិជ្ជកម្មចិនបានបញ្ចាក់ថា កិច្ចព្រមព្រៀង ដំណាក់កាលទីមួយ គឺ អាចកាត់បន្ថយភាពតានតឹងជាបណ្តោះអាសន្នតែប៉ុណ្ណោះ ។ប្រទេសទាំងពីរនៅមានបញ្ហា ជាច្រើនទៀតត្រូវដោះស្រាយនាពេលខាងមុខ ៕
