សារព័ត៌មាន នគរវត្ត តែងតែនាំមុខគេជានិច្ច
មកទល់ពេលនេះ គេមិនទាន់អាចសន្និដ្ឋានបានថា ការឆេះព្រៃគឺបណ្តាមកពីមនុស្សជាអ្នកបង្កឡើង ។ ភ្លើងឆេះព្រៃតែងតែកើតឡើងនៅប្រទេសអូស្ត្រាលី ហើយភាគច្រើនឆេះព្រៃបង្កឡើងដោយស្លឹកឈើស្ងួតក្តៅខ្លាំង ។ នៅក្នុងរដូវក្តៅឆ្នាំនេះ គឺខ្លាំងជាងរាល់ឆ្នាំ អូសបន្លាយយូរជាងគេ ទើបធ្វើឲ្យភ្លើងឆេះព្រៃអូសបន្លាយ ជាច្រើនខែ ។
ភ្លើងឆេះព្រៃនៅក្នុងប្រទេសអូស្ត្រាលី មិនទាន់រលត់ជាស្ថាពរនៅឡើយទេ ក្រោយការឆាប់ឆេះតាំងពីខែកញ្ញា ឆ្នាំ២០១៩រហូតមក។ តើអ្នកណាជាអ្នកដុតព្រៃ? មនុស្សជិត១០០នាក់ត្រូវបានចាប់ខ្លួនសង្ស័យជាប់ពាក់ព័ន្ធ បង្កឲ្យភ្លើងឆេះព្រៃ ។ នៅពេលនេះ តុលាការក៏បានសាកសួរ អ្នកជាប់សង្ស័យ ក្នុងនោះមានទាំងជនជាតិអូស្ត្រាលីដើមកំណត់វៀតណាមផងដែរ។
ភ្លើងឆេះព្រៃបានសម្លាប់មនុស្ស ជិត៣០នាក់រងរបួសជាច្រើន និងផ្ទះរាប់ពាន់ខ្នងរងការបំផ្លាញ។ ក្រៅពីនេះ សត្វព្រៃ រាបរយលានក្បាលបានងាប់ដោយភ្លើងឆេះព្រៃខាងលើ។ តាមការវាយតម្លៃពីក្រុមការពារសត្វព្រៃ បានបញ្ជាក់ថា មានសត្វព្រៃដល់ទៅ១២៥០លានក្បាល បានងាប់ដោយភ្លើងឆេះ ក្នុងនោះមានភាគច្រើនសត្វ កង់ហ្គារ៉ូ និងខ្លាឃ្មំ Koala ដែលជាប្រភេទសត្វប្រចាំប្រទេសអូស្ត្រាលី។
គ្រាន់តែនៅក្នុងរដ្ឋ New South Wales មានសត្វកង់ហ្គារ៉ូ(Kangaroo) ៨៤០០ ក្បាលបានងាប់។ ក្រុមការពារសត្វព្រៃ បានប្រើប្រាស់សាលារៀនជាច្រើន ធ្វើជាមន្ទីរពេទ្យសម្រាប់ព្យាបាលសត្វព្រៃដែលរងរបួសដោយភ្លើងឆេះព្រៃ។
រដ្ឋាភិបាលនិងពលរដ្ឋក៏បានចូលរួម ព្យាបាលសត្វព្រៃ ដែលរងផលប៉ះពាល់ដោយភ្លើងឆេះព្រៃផងដែរ។
នៅក្នុងទីក្រុង Adelaideរដ្ឋភាគខាងត្បូង អូស្ត្រាលី ជាទីកន្លែងភ្លើងឆេះព្រៃខ្លាំងជាងគេបំផុត ក្នុងប្រទេសនេះ ។រដ្ឋាភិបាលបានប្រើប្រាស់សាលាបឋមសិក្សា នៅក្នុងតំបន់ធ្វើជាសាលារៀនព្យាបាលសត្វ ខ្លាឃ្មុំតូច Koala ក្រុមគ្រូពេទ្យសត្វ១៥០នាក់ធ្វើការទាំងយប់ថ្ងៃ ប្តូរវេនគ្នា ថែទាំសត្វព្រៃដែលរងរបួស៕
