សារព័ត៌មាន នគរវត្ត តែងតែនាំមុខគេជានិច្ច
ប៉ុន្មានថ្ងៃកន្លងមក ប្រព័ន្ធផ្សព្វផ្សាយ និងពលរដ្ឋនៅជុំវិញពិភពលោក លែងចាប់អារម្មណ៍នៅលើស្ថានភាពនយោបាយ និងសន្តិសុខ សេដ្ឋកិច្ច ពិភពលោក ដោយផ្តោតទៅលើតែសុខភាព ផ្ទាល់ខ្លួនតែប៉ុណ្ណោះ ។ ពលរដ្ឋ គ្រប់រូបបានតាមដានយ៉ាងយកចិត្តទុកដាក់ នៅជំងឺសួតប្រភេទថ្មី បង្កឡើងដោយវីរុសកូរ៉ូណា ។
តើសនាវការកាត់ក្តីលោកត្រាំនៅក្នុងព្រឹទ្ធសភាអាមេរិក ឈានដល់ណាហើយ?
សវនាការកាត់ក្តី ប្រធានាធិបតីអាមេរិក ដូណាល់ ត្រាំ បានចាប់ផ្តើមតាំងពីថ្ងៃទី២១ ខែមករា រហូតមកទល់ពេលនេះ នៅមិនទាន់បញ្ចប់នៅឡើយទេ ដោយសារតែខ្វះសាក្សី។ ជាមួយគ្នានេះគណបក្សសាធារណរដ្ឋ និងប្រជាធិបតេយ្យ កំពុងតែប្រឈមមុខតានតឹង ដោយសារតែបក្សសាធារណរដ្ឋរងគំនាបចំពោះសំណើពីគណបក្សប្រជាធិបតេយ្យ ក្នុងករណីចោទប្រកាន់ទោសលោកត្រាំ ។
សមាជិកគណបក្សសាធារណរដ្ឋ រងសម្ពាធយ៉ាងខ្លាំងពីគណបក្សប្រជាធិបតេយ្យ ក្រោយពេលស្នើឲ្យអតីតទីប្រឹក្សាសន្តិសុខជាតិអាមេរិក លោក John Bolton ចេញមុខធ្វើចាសាក្ស៊ី នៅក្នុងសវនាការចោទប្រកាន់ទោសលោក ត្រាំ ។ លោក John Bolton បានសរសេរនៅរឿងរ៉ាវ ពាក់ព័ន្ធជំនួយយោធាដល់អ៊ុយក្រែន ។
សារព័ត៌មាន New York Times បានដកស្រង់ ខ្លឹមសារមួយចំនួននៅក្នុងសៀវភៅរបស់ លោក John Bolton ដែលមិនទាន់បានបោះពុម្ភផ្សាយជាផ្លូវការនៅឡើយទេ ដោយក្នុងសៀវភៅនោះបានបញ្ជាក់ថា លោកត្រាំមានបំណងផ្អាកផ្តល់ជំនួយយោធាដល់ប្រទេសអ៊ុយក្រែន លើកលែងតែអ៊ុយក្រែនយលព្រមស្រាវជ្រាវ លើគូប្រជែងតំណែងប្រធានាធិបតី គឺលោក Joe Biden និងកូនប្រុស ។
ជាក់ស្តែងកាលពីខែសីហាឆ្នាំ២០១៩លោកត្រាំ បាននិយាយទៅកាន់ ជំនួយការរបស់លោក ពីគោលបំណងចង់រក្សាទុក ទឹកប្រាក់៣៩១លានដុល្លារ ដែលត្រូវផ្តាល់ជំនួយឲ្យទៅអ៊ុយក្រែន ។ ទាំងនោះគឺជាការប្រើអំណាចដើម្បីសម្រេចគោលនយោបាយផ្ទាល់ខ្លួន ។
កតាទាំងនោះហើយបានជា ប្រធានក្រុមចារកិច្ច សភាអាមេរិក លោក Adam Schiff ប្រធានក្រុមស្រាវជ្រាវ ចោទប្រកាន់ទោសលោកត្រាំបានបញ្ជាក់ថា ដើម្បីធ្វើឲ្យតុលាការព្រឹទ្ធសភា ដំណើរការដោយយុត្តិធម៌ សមាជិកព្រឹទ្ធសភា ចាំបាច់ត្រូវតែស្នើឲ្យ អតីតទីប្រឹក្សាសន្តិសុខជាតិ John Bolton ចេញមុខធ្វើជាសាក្ស៊ី ក៏ដូចជាផ្តល់កំណត់ហេតុ និងឯកសារពាក់ព័ន្ធផ្សេងៗ ។
ជាមួយគ្នានោះដែរ ប្រធានរដ្ឋសភាអាមេរិក លោកស្រី Nancy Pelosi បានបញ្ជាក់ថាការដែលសភាបដិសេធកោះហៅលោក John Bolton និងអ្នកដទៃធ្វើជាសាក្សី គឺជារឿងមិនអាចទទួលយកបានឡើយ ។
កាលពីថ្ងៃសៅរ៍កន្លងមកក្រុមមេធាវីរបស់លោកប្រធានាធិបតី ដូណាល់ ត្រាំ បង្ហាញខ្លួននៅចំពោះមុខព្រឹទ្ធសភាសហរដ្ឋអាមេរិក ដើម្បីការពារលោកប្រធានាធិបតី ដែលត្រូវបានចោទប្រកាន់ ។ ក្រុមមេធាវីទាំងនេះ នឹងបន្តការបង្ហាញហេតុផលការពារក្តីរបស់ពួកគេ នៅថ្ងៃចន្ទ និងថ្ងៃអង្គារនេះ ។
លោក Jay Sekulow ដែលជាមេធាវីម្នាក់ក្នុងចំណោមក្រុមមេធាវីរបស់លោក ត្រាំ បាននិយាយថា ពួកគេនឹងបង្ហាញអំណះអំណាងជា «ករណីវិជ្ជមាន» មួយ ហើយ «នឹងបដិសេធការចោទប្រកាន់» ទាំងឡាយមកលើលោកប្រធានាធិបតី ។
លោក Rick Scott ដែលជាសមាជិកព្រឹទ្ធសភាសហរដ្ឋអាមេរិមកខាងគណបក្សសាធារណរដ្ឋប្រចាំរដ្ឋ Florida បាននិយាយថា លោក «រំពឹងថាសេតវិមាន» ចាប់ផ្តើមបង្ហាញការពិតជាក់ស្តែងឱ្យបានត្រឹមត្រូវ» នៅក្នុងទម្រង់ការសវនាការ នៅថ្ងៃសៅរ៍នេះ ។
លោក Ted Cruz ដែលជាសមាជិកព្រឹទ្ធសភាសហរដ្ឋអាមេរិកខាងគណបក្សសាធារណរដ្ឋប្រចាំរដ្ឋតិចសាស បាននិយាយថា «ខ្ញុំរំពឹងជាដំបូងថា លោកប្រធានាធិបតីត្រូវតែការពារខ្លួនលោក» ។
សភាតំណាងរាស្ត្រអាមេរិកាំងបានចោទប្រកាន់លោក ត្រាំ កាលពីខែធ្នូ ។
លោកប្រធានាធិបតី ត្រាំ ប្រឈមនឹងបទចោទប្រកាន់ពីរ ដែលចោទប្រកាន់លោកពីបទរំលោភអំណាចជាប្រធានាធិបតី និងបទរារាំងកិច្ចខិតខំប្រឹងប្រែងរបស់សភា ក្នុងការស៊ើបអង្កេតសកម្មភាពរបស់លោក ទាក់ទិននឹងប្រទេសអ៊ុយក្រែន ។
លោក ត្រាំ ត្រូវបានចោទប្រកាន់ថា បានដាក់សម្ពាធលើប្រទេសអ៊ុយក្រែន ឱ្យបើកធ្វើការស៊ើបអង្កេតអំពីលោកអតីតអនុប្រធានាធិបតី Joe Biden ដែលជាគូប្រជែងខ្លាំងម្នាក់មកពីខាងគណបក្សប្រជាធិបតេយ្យ តទល់នឹងការឈរឈ្មោះជាថ្មីរបស់លោក ត្រាំ ដើម្បីឱ្យបានជាប់ឆ្នោតជាថ្មីនៅឆ្នាំនេះ ។
សមាជិកសភាសហរដ្ឋអាមេរិកខាងគណបក្សប្រជាធិបតេយ្យ បានបញ្ចប់ការបង្ហាញហេតុផលរបស់ពួកគេ ប្រឆាំងនឹងលោកប្រធានាធិបតី កាលពីថ្ងៃសុក្រ ដោយបានថ្លែងបង្ហាញហេតុផលថា ប្រសិនបើលោក ត្រាំ មិនបានត្រូវដកពីតំណែងទេ លោកនឹងបន្តរំលោភអំណាចតទៅទៀត៕
