សារព័ត៌មាន នគរវត្ត តែងតែនាំមុខគេជានិច្ច
ជំងឺរលាកសួតថ្មីដោយវីរុសកូរ៉ូណាថ្មី (2019-nCoV) ដែលផ្ទុះឡើងដំបូងគេនៅភាគកណ្តាលប្រទេសចិន ទីក្រុងវូហាន ក្នុងខែធ្នូ ឆ្នាំ២០១៩ ។ វីរុសនេះ ចាប់តាំងពីពេលនោះមកបានឆ្លងរាលដាលនៅក្នុងប្រទេសចិន និងប្រទេសដទៃផ្សេងទៀតយ៉ាងតិច១៨ ។
ចំនួនអ្នកជំងឺសរុបនៅក្នុងប្រទេសចិនបានកើនឡើង ៧ ៧១១នាក់ និងបាត់បង់ជីវិតដោយសារជំងឺនេះកើនឡើង១៧០នាក់ ។ នេះបើតាមគណៈកម្មសុខាភិបាលជាតិចិនបានថ្លែងកាលពីថ្ងៃទី២៩ ខែមករា ឆ្នាំ២០២០ ។
អាជ្ញាធរចិនបានបញ្ជាក់ថា ករណីជំងឺនេះបានឆ្លងរាលដាលនៅគ្រប់តំបន់ទាំងអស់ក្នុងប្រទេសចិន ។ មួយថ្ងៃមុននេះ អាជ្ញាធរសុខាភិបាលចិនបានបញ្ជាក់ថា ករណីជំងឺ មានសរុបតែ ៥ ៩៧៤នាក់ប៉ុណ្ណោះ និងស្លាប់អ្នកជំងឺ១៣២នាក់ ។
យោងតាមអាជ្ញាធរដដែលបញ្ជាក់ថា អ្នកជំងឺ៣៧នាក់បន្ថែមទៀតបានស្លាប់ និង១ ០៣២ករណីថ្មីបានឆ្លង នៅក្នុងខេត្ត Hubei តែមួយ ក្នុងរយៈពេលតែ២៤ម៉ោងប៉ុណ្ណោះ ។ អ្នកជំងឺ១០នាក់បានចាកចេញពីមន្ទីរពេទ្យផងដែរ៕
