សារព័ត៌មាន នគរវត្ត តែងតែនាំមុខគេជានិច្ច
ក្រុមតំណាងរាស្ត្រអាមេរិក មកពីគណបក្សសាធារណរដ្ឋបានដឹងយ៉ាងច្បាស់ពីចេតនា របស់ប្រធានាធិបតី ដូណាល់ ត្រាំ ដែលបានត្រៀមលក្ខណៈវាយប្រហារទៅលើប្រទេសអ៊ីរ៉ង់ តាំងពីពេលលោកដកអាមេរិកចេញពីកិច្ចព្រមព្រៀងបរមាណូ ។
ការដែលលោកត្រាំ បញ្ជាដោយផ្ទាល់ឲ្យសម្លាប់មេទ័ពអ៊ីរ៉ង់ ក៏ដូចជាការបញ្ជូនអាវុធ កម្លាំងយោធាបន្ថែមទៅកាន់អ៊ីរ៉ាក់ ជាសញ្ញានៃការត្រៀមធ្វើសង្គ្រាមជាថ្មី ។ កត្តាទាំងនោះ បានជាសភាអាមេរិក ចាត់វិធានការ កាត់បន្ថយអំណាច របស់លោកត្រាំ ក្នុងការប្រើកម្លាំងយោធាទៅលើប្រទេសអ៊ីរ៉ង់ ។
តាំងពីដើមមក អំណាចប្រើប្រាស់កម្លាំងទ័ពធ្វើសង្គ្រាម ឬក៏វាយប្រហារដោយបរមាណូស្ថិតនៅលើតែប្រធានាធិបតីម្នាក់គត់ជាអ្នកមានសិទ្ធិពេញលេញ បញ្ជាឲ្យវាយប្រហារ ។ ប៉ុន្តែលោក ត្រាំ វិញមានចរិតឆេវឆាវ ទោះអ្នកនយោបាយអាមេរិក រកវិធីសាស្ត្ររារាំងខ្លាំង មានរឿងធំកើតឡើង ។
កាលពីថ្ងៃទី៣០ ខែមករា សភាអាមេរិក បានអនុម័តទៅលើសេចក្តីព្រាងច្បាប់ចំនួនពីរ ដើម្បីទប់ស្កាត់ ប្រធានាធិបតីដូណាលត្រាំ វាយប្រហារអ៊ីរ៉ង់ ។
សកម្មភាពខាងលើកើតឡើង ក្នុងពេលដែល អាមេរិក និងអ៊ីរ៉ង់កាន់តែតានតឹងខ្លាំងឡើង បន្ទាប់ពីអាមេរិក សម្លាប់មេទ័ពអ៊ីរ៉ង់ ហើយអ៊ីរ៉ង់វាយបកទៅលើទីតំាងអាមេរិកពីរកន្លែងក្នុងប្រទេសអ៊ីរ៉ាក់ ។
នៅក្នុងការបោះឆ្នោតអនុម័តលើសេចក្តីព្រៀងច្បាប់ រារាំងលោកត្រាំវាយប្រហារអ៊ីរ៉ង់ ទទួលបានការគាំទ្រខ្ពស់ គឺ២២៨ សំឡេងគាំទ្រ និង ១៧៥សំឡេងប្រឆាំង ។ ច្បាប់ថ្មីនេះនឹងរារាំងលោកត្រាំប្រើកម្លាំងយោធាវាយប្រហារទៅលើប្រទេសអ៊ីរ៉ង ប្រសិនបើគ្មានការអនុញ្ញាតពីសភានោះទេ ។
មុនពេលបញ្ជូនទៅកាន់សេតវិមានអនុម័ត គឺត្រូវឆ្លងកាត់ការអនុម័តពីព្រឹទ្ធសភា ជាមុនសិន ។ ប៉ុន្តែនៅពេលនេះ សេតវិមាន បានព្រមានថានឹងច្រានចោល សេចក្តីព្រៀងច្បាប់ខាងលើ បើទោះបីទទួលបានការអនុម័តពីព្រឹទ្ធសភាក្តី ។
ការកាត់បន្ថយអំណាចប្រើយោធារបស់លោកត្រាំ ក្នុងការដោះស្រាយវិវាទជាមួយអ៊ីរ៉ង់ ដោយខ្លាចលោកត្រាំវាយប្រហារអ៊ីរ៉ង់ដោយខ្វះការពិចារណា ។
សកម្មភាពខាងលើ កើតឡើងក្រោយពេល អាមេរិកបញ្ជូនកម្លាំងអាវុធបន្ថែម ទៅកាន់អ៊ីរ៉ាក់ ក្នុងនោះមានយន្តហោះទម្លាក់គ្រាប់យុទ្ធសាស្ត្រ B-52 ។ សូមបញ្ជាក់ផងដែរថា ក្នុងពេលដែលលោកត្រាំចូលកាន់អំណាចដឹកនាំអាមេរិក សភាក៏បានអនុម័ត ហាមប្រាមលោកត្រាំធ្វើសង្គ្រាមវាយប្រហារដោយបរមាណូ ប្រសិនបើសភាមិនអនុញ្ញាតនោះទេ ។ សកម្មភាពខាងលើកើតឡើងដោយអ្នកនយោបាយអាមេរិក ដឹកថា លោកត្រាំមានចិត្តឆេវឆាវ ខ្លាចវាយប្រហារទាំងកំហឹងខ្វះពិចារណា ។
ប្រធានរដ្ឋសភាអាមេរិក លោកស្រី Nancy Pelosi បានបញ្ជាក់ថា« សភាអាមេរិក បោះឆ្នោត សម្រេចកាត់បន្ថយសិទ្ធិអំណាចក្នុងការប្រើប្រាស់កម្លាំងយោធា របស់ប្រធានាធិបតីដូណាលត្រាំ ដើម្បីទប់ស្កាត់ការប្រើកម្លាំងយោធា ទៅលើអ៊ីរ៉ង់ដោយមិនពិចារណា ។ ប្រសិនបើច្បាប់ហាមប្រាមត្រូវសភាអនុម័តនោះ លោកត្រាំ និងត្រូវឆ្លងកាត់ការយលព្រមពីសភា ជាមុនបើចង់វាយប្រហារទៅលើប្រទេសអ៊ីរ៉ង់នោះ ។
សកម្មភាពរបស់សភាអាមេរិកកើតឡើងក្រោយពេលដែលមន្ទីបញ្ចាកោណ បញ្ជេញសកម្មភាពយោធាគួរឲ្យបារម្ភ ដោយបានបញ្ជូនយន្តហោះទម្លាក់ក្រាប់យុទ្ធសាស្ត្រចូលទៅក្បែរដែលអាកាសអ៊ីរ៉ង់ ។ ទាំងនោះជាសញ្ញាដ៏គ្រោះថ្នាក់ ក្រោយពេលបញ្ជូនយន្តហោះទម្លាក់គ្រាបប្រភេទ B-52 H បានចូលកៀកដែនអាកាសអ៊ីរ៉ង់ក្នុងពេលកំពុងតានតឹង ។
ប្រភពព័ត៌មាន បានឲ្យដឹងថា យន្តហោះទម្លាក់គ្រាប់អាមេរិក បានហោះហើរចេញពីទីតាំង Diego Garcia ឆ្ពោះទៅកាន់តំបនភាគខាងជើង ហើយសំដៅទៅកាន់ព្រំដែនអាកាសអ៊ីរ៉ង់តែម្តង ។ មន្ត្រីយោធាអាមេរិកដែលមិនបញ្ចេញឈ្មោះបានឲ្យដឹងថា ការបញ្ជូនយន្តហោះទម្លាក់
គ្រាប់ជាការហ្វឹកហាត់វាយប្រហារទម្លាក់គ្រាប់ទៅលើប្រទេសអ៊ីរ៉ង់ពេលមានសង្គ្រាមកើតឡើង ។ ប៉ុន្តែប្រភពព័ត៌មានពីអ៊ីរ៉ង់បានឲ្យ ដឹងថា កម្លាំងទាហានការពារដែនអាកាសអ៊ីរ៉ង់ ទទួលបានការផ្តល់ដំណឹងជាមុន ពីការហោះហើរចូលទៅក្បែរដែនអាកាសអ៊ីរ៉ង់ ឬក៏ជ្រុលចូលដែនអាកាសតិចតួចនោះ ។ ប្រសិនបើអាមេរិក មិនផ្តល់ដំណឹងជាមុននោះប្រហែលជាប្រព័ន្ធការពារដែនអាកាសអ៊ីរ៉ង់បាញ់ទម្លាក់ជាក់ជាមិនខាន ។
សកម្មភាពខាងលើ គឺជាការឌឺដងរបស់អាមេរិកទៅលើប្រទេសអ៊ីរ៉ង់ ក្រោយពេលអាមេរិកសម្លាប់មេទ័ពអ៊ីរ៉ង់ ហើយអ៊ីរ៉ង់វាយប្រហារសងសឹកទៅលើទីតាំងយោធាអាមេរិក ២កន្លែងនៅក្នុងប្រទេស អ៊ីរ៉ាក់ ។ ក្រុមអ្នកឯកទេសវិភាគបានលើកឡើងថា យន្តហោះទម្លាក់គ្រាប់ B-52H របស់អាមេរិក ហោះទៅគៀកដែនអាកាសអ៊ីរ៉ង់ ជាការត្រៀមលក្ខណៈវាយប្រហារអ៊ីរ៉ង់ជាទ្រង់ទ្រាយធំ ៕
