សារព័ត៌មាន នគរវត្ត តែងតែនាំមុខគេជានិច្ច
តួកគី បានបញ្ជូនអាវុធជាច្រើន ទៅកាន់ប្រទេស លីប៊ី ជួយដល់ កម្លាំងទាហានប្រឆាំងរដ្ឋាភិបាល ។ ប៉ុន្តែនៅពេលនេះ នាវាដឹកអាវុធ របស់តួកគីរងការវាយកម្ទេចដោយរ៉ុក្កែត ពីកម្លាំងទាហានលីប៊ី។
កាលពីថ្ងៃទី១៨ ខែកុម្ភៈ កមកម្លាំងទាហាននៅភាគខាងកើតលីប៊ី ដឹកនាំដោយលោក Khalifa Haftar ប្រកាសថា បានវាយប្រហារកម្ទេចនាវាដឹកអាវុធរបស់តួកគី នៅក្នុងកំពង់ផែ ទ្រីប៉ូលី ប្រទេសលីបី ។
ការវាយប្រហារ កាលពីយប់ថ្ងៃទី១៨ ខែកុម្ភៈ បណ្តាលឲ្យតួកគីបាត់បង់ នាវាដឹកទំនិញធុនធំមួយគ្រឿងនៅដែនសមុទ្រមេឌីទែរ៉ាណែ។ នាវារងការវាយប្រហារមានអាវុធជាច្រើនក្នុងនោះមានរថពាសដែក គ្រាប់រំសេវ…។ អាវុធខាងលើត្រូវបានបញ្ជូនពីទីក្រុង Idlib ទៅកាន់លីបី។
តាមរូបភាពដែលបានផ្សព្វផ្សាយ អាចបញ្ជាក់បានថា នាវាដឹកជញ្ជូនតួកគី ឆាប់ឆេះយ៉ាងខ្លាំង ហើយលិចទាំងស្រុង ។ នោះជាលទ្ធផលនៃការវាយប្រហារដោយកាំភ្លើងធំរបស់កម្លាំងទាហានលីបី LNA ។
តាមប្រភពព័ត៌មានបានឲ្យដឹងថា មានគ្រាប់រ៉ុក្កែតដល់ទៅ៨គ្រាប់វាយប្រហារទៅលើនា៤គ្រឿង ប៉ុន្តែត្រូវចំគោលដៅ មួយគ្រឿង បណ្តាល់ឲ្យផ្ទុះឆេះគ្រាប់រំសេវនៅក្នុងនាវាមិនអាចគ្រប់គ្រងបានឡើយ។
មកទល់ពេលនេះតួកគីមិនទាន់មានប្រតិកម្មអ្វីជុំវិញការវាយប្រហារបំផ្លាញនាវាដឹកទំនិញរបស់ខ្លួននៅឡើយទេ។ ប៉ុន្តែមូលហេតុដែលឈានដល់ការវាយប្រហារគឺដោយសារតែរដ្ឋាភិបាលទីក្រុងAnkara មិនគោរព ទៅតាមកិច្ចព្រមព្រៀងឈប់បាញ់៕
