សារព័ត៌មាន នគរវត្ត តែងតែនាំមុខគេជានិច្ច
បច្ចុប្បន្នមិនមែនជាពេលវេលាសម្រាប់ដាក់ទណ្ឌកម្ម នោះឡើយគឺជាពេលវេលា រួមគ្នាដើម្បីធ្វើសង្គ្រាមទប់ស្កាត់ការឆ្លងរាលដាលនៃវីរុស ផ្លូវដង្ហើម ដែលបានរាលដាលជាង ៤០ប្រទេសជុំវិញពិភពលោក។
ដើម្បីទប់ស្កាត់ការឆ្លងរាលដាល គណៈកម្មការដាក់ទណ្ឌកម្មទៅលើកូរ៉េខាងជើង របស់អង្គការសហប្រជាជាតិ បានសម្រេចផ្តល់ជំនួយដល់កូរ៉េខាងជើង ដើម្បីទប់ស្កាត់ការឆ្លងរាលដាលនៃវីរុសកូវីដ-១៩។ ការសម្រេចខាងលើ ក្រោយពេល ក្រុមគ្រូពេទ្យ គ្មានព្រំដែន MSF បានស្នើផ្តល់ជំនួយដល់វិស័យសុខាភិបាលកូរ៉េខាងជើង ទប់ស្កាត់ជំងឺផ្លូវដង្ហើម។
គណៈកម្មការដាក់ទណ្ឌកម្មកូរ៉េខាងជើង បានអនុញ្ញាតឲ្យបញ្ជូនជំនួយសុខាភិបាលទៅកាន់កុរ៉េខាងជើងជាបន្ទាន់ដើម្បីទប់ស្កាត់ ការឆ្លងរាលដានៃវីរុសកូវីដ-១៩យ៉ាងមានប្រសិទ្ធភាពបំផុត។សម្ភារសុខាភិបាលដែលបានបញ្ជូនទៅនោះមាន ម៉ាស សម្លៀកបំពាក់ការពារឆ្លងវីរុស និងឧបករណ៍ទំនើបៗជាច្រើនផ្សេងទៀត ។
សម្ភារបរក្ខាពេទ្យទាំងនោះត្រូវបានហាមប្រាម នាំចូលទៅកាន់កូរ៉េខាងជើងនាពេលកន្លងមក តាច្បាប់ដាក់ទណ្ឌកម្ម របស់អង្គការសហប្រជាជាតិ ពាក់ព័ន្ធ កម្មវិធីបរមាណូរបស់ប្រទេសនេះ។
កន្លងមក អង្គការសុខភាពពិភពលោក WHO និងមូលនិធិរូបិយវត្ថុអន្តរជាតិ UNICEF បានផ្តល់ជំនួយដល់កូរ៉េខាងជើង សម្ភារសុខាភិបាលចាំបាច់ ទប់ស្កាត់ការឆ្លងរាលដាលនៃវីរុសកូវីដ-១៩ ដោយកូរ៉េខាងជើង មានព្រំដែនជាប់ចិន ហើយសេដ្ឋកិច្ចអាស្រ័យទៅលើចិន។
មកទល់ពេលនេះកូរ៉េខាងជើង មិនទាន់បញ្ជាក់ថាមានករណីឆ្លងវីរុសកូវីដ-១៩ នៅឡើយទេ ប៉ុន្តែប្រទេសនេះ បានកាត់ផ្តាច់ពលរដ្ឋរាប់រយនាក់មកពីចិនឲ្យនៅដាច់ដោយឡែកដើម្បីតាមដានថាតើមានឆ្លងវីរុសកូវីដ-១៩ ដែរឬទេស៕
