សារព័ត៌មាន នគរវត្ត តែងតែនាំមុខគេជានិច្ច
ខឹងក្រុមហ៊ុនបញ្ឈប់ពីការងារ ក៏បានយកកាំភ្លើងចូលទៅក្រុមហ៊ុន បាញ់ប្រហារ បណ្តាលឲ្យមានអ្នកស្លាប់និងរបួសជាច្រើន។ មន្ត្រីក្នុងតំបន់បានឲ្យដឹងថា យ៉ាងហោចណាស់ក៏មានមនុស្ស៧នាក់ស្លាប់នៅក្នុងហេតុការណ៍បាញ់ប្រហារមួយ នៅតំបន់ Wilwaukee ក្នុងរដ្ឋ Wisconsin អាមេរិក កាលពីថ្ងៃទី២៦ខែកុម្ភៈ។
ការបាញ់ប្រហារកើតឡើងនៅរសៀលថ្ងៃទី២៦ខែកុម្ភៈ ស្ថិតនៅទីតាំងរោងចក្រផលិតភេសជ្ជៈ ស្រាបៀររបស់ក្រុមហ៊ុន Molson Coors ក្នុងទីក្រុង Wilwaukee រដ្ឋ Wisconsin។ ខ្មាន់កាំភ្លើងក៏ត្រូវគេរកឃើញស្លាប់នៅក្នុងហេតុការបាញ់ប្រហារនោះដែរ។
មន្ត្រីប៉ូលិសក្នុងតំបន់បានឲ្យដឹងថា មានមនុស្សជាច្រើនរងការបាញ់ប្រហារ ។ខ្មាន់កាំភ្លើង ក៏ជាបុគ្គលិកនៅទីនោះត្រូវក្រុមហ៊ុនបញ្ឈប់ការងារ ហើយការបាញ់ប្រហារនោះអាចជាការសងសឹក ។
កម្លាំងជំនាញកំពុងបើកការស្រាវជ្រាវពាក់ព័ន្ធការបាញ់ប្រហារ។ នេះជាកណីបាញ់ប្រហារលើកទី៤ហើយនៅអាមេរិក នាឆ្នាំ២០២០ ។ កាលពីឆ្នាំ២០១៩ មានករណីបាញ់ប្រហារដល់ទៅ៤៤ករណីធំៗ សម្លាប់មនុស្ស ដល់ទៅ២២៤នាក់។
សារព័ត៌មាន CNN បានផ្សាយថា ប្រធានាធិបតីដូណាល់ ត្រាំ បានចូលរួមរំលែកទុក្ខដល់គ្រួសារជនរងគ្រោះក្នុងហេតុការបាញ់ប្រហារខាងលើ៕
