ព័ត៌មានទាន់ហេតុការណ៍៖

Update ៖អនុប្រធានសាខាធានារ៉ាប់រង ខេត្តសៀមរាបម្នាក់ចងក សម្លាប់ខ្លួន

ចែករំលែក៖

ខេត្ដសៀមរាប៖ អនុប្រធានសាខាក្រុមហ៊ុនធានារ៉ាប់រងប្រចាំខេត្តសៀមរាប មួយ​រូប បានធ្វើអត្តឃាតចងកសម្លាប់ខ្លួន បង្កការភ្ញាក់ផ្អើលកាលពីវេលាម៉ោង៧និង១០នាទីព្រឹកថ្ងៃព្រហស្បតិ៍ ៥កើត ខែផល្គុន ឆ្នាំកុរ ព.ស.២៥៦៣ ត្រូវនឹងថ្ងៃទី២៧ ខែ​កុម្ភ: ឆ្នាំ២០២០ ស្ថិតនៅក្នុងក្រុមហ៊ុនធានារ៉ាប់រងឯកជនមួយ ក្នុងក្រុមទី១ ភូមិទ្រាំង សង្កាត់​ស្ល​ក្រាម ក្រុងសៀមរាប ខេត្តសៀម​រាប។
មន្រ្តីនគរបាលក្រុងសៀមរាបបានឲ្យដឹង​ថា ជនរងគ្រោះឈ្មោះ កែវ ចំណាន ភេទ​ប្រុស អាយុ៤០ឆ្នាំ មុខរបរអនុប្រធានទី១សាខាក្រុមហ៊ុនធានា​រ៉ាប់រងឯកជន​មួយប្រចាំខេត្តសៀមរាប បច្ចុប្បន្នស្នាក់នៅកន្លែងកើតហេតុ។
ក្រោយកើតហេតុ សមត្ថកិច្ចជំនាញបានចុះដល់ទីតាំងហើយធ្វើកោសល្យវិច័យឃើញថា ជនរងគ្រោះបានចង.កសម្លាប់ខ្លួននឹងខ្សែនីឡុងជាប់នឹងដំបូលផ្ទះបាយផុតជើងពី​ឥដ្ឋការ៉ូក្រាលប្រវែងជាងកន្លះម៉ែត្រ និង​បានសន្និដ្ឋានថា ជនរងគ្រោះពិតជាស្លាប់ដោយធ្វើអត្តឃាតប្រាកដមែន មិនពាក់​ព័ន្ធ​នឹងករណីអ្វីផ្សេង​ឡើយ។ ទោះជាមូលហេតុដែលបណ្តាលឲ្យជនរងគ្រោះធ្វើអត្តឃាតនោះ សមត្ថកិច្ចជំនាញមិនទាន់បាន​បញ្ជាក់ឲ្យដឹងនៅឡើយក៏ដោយ។ ក៏ប៉ុន្តែបុរសរូបនោះបានបន្សល់ទុកនូវលិខិតសរសេរផ្ទាល់ដៃ១សន្លឹក បញ្ជាក់ពីកំហុសការងាររបស់ខ្លួន និងសុំទោ​ស​ក្រុម​គ្រួសារ ក៏ដូចសហការីធ្វើការ​ជាមួយគ្នា ខណៈ​​ខ្លួនបានយកថវិការបស់ក្រុមហ៊ុនដែលប្រមូលបានពីអតិថិជនមកប្រើប្រាស់សប្បាយខ្លួនឯង និងបានផ្តាំឲ្យយកសពទៅធ្វើបុណ្យនៅខេត្តព្រៃវែងផង​៕ សហការី


ចែករំលែក៖