រថយន្តឡិចស៊ីសបើកចេញពីចិញ្ចើមផ្លូវជ្រុលទៅបុករថយន្តហុីយ៉ាន់ដាយស្តារុិចរងការខូចខាត

ភ្នំពេញ៖ រថយន្តឡិចសុីសXR-350 មួយគ្រឿងបើកចេញពីចិញ្ចើមផ្លូវខ្វះការប្រុងប្រយ័ត្នជ្រុលទៅបុករថយន្តហុីយ៉ាន់ដាយស្តារុិចខណៈកំពុងបើកបរលើដងផ្លូវចំចំហៀងខាងមុខបណ្ដាលឲ្យរងការខូចខាតទាំងសងខាង។

ហេតុការណ៍នេះកើតឡើងកាលពីវេលាម៉ោង ២រំលងអាធ្រាត្រឈានចូលថ្ងៃទី២ ខែមីនាឆ្នាំ ២០២០នៅចំណុចមុខហាងស៊ុបមួយកន្លែង តាមបណ្ដោយផ្លូវ២០០៤  ក្នុងសង្កាត់កាកាបទី ១ ខណ្ឌពោធិ៍សែនជ័យរាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញរថយន្តម៉ាកហ៊ីយ៉ាន់ដាយស្តារុិចមួយគ្រឿងពណ៌ទឹកប្រាក់ពាក់ស្លាកលេខភ្នំពេញ2BC-8830ធ្វើដំណើរតាមបណ្តោយផ្លូវ ២០០៤ ទិសដៅពីជើងទៅត្បូងលុះមកដល់ចំណុចកើតហេតុខាងលើក៏មានរថយន្តមួយគ្រឿងម៉ាក ឡិចសុីសRX-350 ពណ៌ស្ករពាក់ស្លាកលេខភ្នំពេញ2BF-7958បើកចេញពីចិញ្ចើមផ្លូវនៅខាងស្ដាំដៃឆ្លងមកខាងឆ្វេងដៃបានជ្រុលទៅបុកចំរថយន្តហ៊ីយ៉ាន់ដាយស្តារុិចផ្នែកខាងមុខចំហៀងខាងស្ដាំបណ្ដាឲ្យរងការខូចខាតយ៉ាងដំណំចំណែកខាងរថយន្តឡិចស៊ីសខូចខាតផ្នែកខាងមុខខាងឆ្វេងយ៉ាងដំណំដូចគ្នា។

ក្រោយកើតហេតុភាគីទាំងសងខាងបានធ្វើការចរចានិងសម្របសម្រួលគ្នាដោយភាគីខាងរថយន្ត ឡិចសុីសបាន ចេញសំណងចំនួន ១០០ ដុល្លារទៅឲ្យខាងភាគីរថយន្តហុីយ៉ានន់ដាយស្តារិុចដើម្បីបញ្ចប់រឿងនៅនឹងកន្លែងកើតហេតុ៕សុខាសែនជ័យ​