សារព័ត៌មាន នគរវត្ត តែងតែនាំមុខគេជានិច្ច
ក្រោយពីប្រកួតចាញ់ក្រុមតោខៀវ Chelsea ២–០ ក្រុមកំពុងឡើងជើងហង្សក្រហម Liverpool បានបាត់បង់ពានរង្វាន់ FA Cup កាលពីយប់មិញ ។
ក្រុមខ្លាំងនៅអង់គ្លេស Liverpool ដែលគេកំពុងសរសើរគ្រប់គ្នាថាលេងល្អតាំងពីដើមរដូវកាលមកនោះ កំពុងជួបបញ្ហាមួយចំនួន ដោយពួកគេលេង៤ប្រកួតចុងក្រោយ ចាញ់៣ប្រកួតទៅហើយ។ កំណត់ត្រានៅPremier League បាល់មាសក៏បានបាត់បង់ទៅ ក្រោយពីចាញ់ក្រុមWatford ហើយ៤បន្ទាប់មក នៅយប់មិញ ពួកគេក៏បន្ដចាញ់ Chelsea ទៀត ក្នុងពាន FA Cup ។ ២គ្រាប់បាញ់ទម្លាក់ក្រុមហង្សក្រហមនៅយប់មិញនេះ ធ្វើបានដោយ Willian នាទី១៣ និង Barkley នាទី៦៤។
អ្នកចាត់ការក្រុមហង្សក្រហម លោក Klopp បាននិយាយថា មិនបារម្ភចំពោះទម្រង់លេងនិងការបរាជ័យនេះនោះទេ។ លោកមើលឃើញថាកូនក្រុមប្រកួតនេះ លេងល្អជាប្រកួតដែលចាញ់ក្រុម Watford ហើយលោកនៅតែរក្សាពាក្យដដែលថា គ្មានក្រុមណាអាចឈ្នះការប្រកួតបានរហូតឡើយ។ Liverpool ត្រូវស្វាគមន៍ក្រុមភ្ញៀវ AFC Bournemouth ក្នុងជំនួបក្របខ័ណ្ឌលីកកំពូលអង់គ្លេសនៅថ្ងៃទី៧ ខែមីនាខាងមុខ ៕ ដោយ៖ ភារៈ
