សារព័ត៌មាន នគរវត្ត តែងតែនាំមុខគេជានិច្ច
ការប្រកួតក្នុងក្របខ័ណ្ឌលីកកំពូលអ៊ីតាលី និងអ៊ីតាលីខាប់មួយចំនួនបានលុបចោលដោយ សារតែការរាតត្បាតនៃជំងឺកូរ៉ូណា។ ទាំងរដ្ឋ និងអ្នកស្រឡាញ់គាំទ្រកីឡាសុទ្ធតែបារម្ភពីការរីករាល ដាលនៃជំងឺនេះ ។
ជាក់ស្តែងការប្រកួតពានរង្វានអ៊ីតាលី Cup ជើងទីពីរវគ្គពាក់កណ្ដាលផ្ដាច់ព្រ័ត្ររវាងក្រុម Juventus នឹង AC Milan ក្នុងទីក្រុង Turin នៅថ្ងៃពុធនេះ ត្រូវបានផ្អាកដោយសារក្ដីបារម្ភពីវីរុសកូរ៉ូណា។ ព្រឹត្តិការណ៍កីឡាជាច្រើនត្រូវបានផ្អាកនៅ៣តំបន់ផ្សេងគ្នាដូចជា Lombardy, Veneto និងEmilia Romagna បូកជាមួយ២ខេត្តផ្សេងទៀត។
តាមប្រភព័ត៌មានពីប្រទេសអ៊ីតាលីបានផ្សាយថា មានមនុស្ស២៧នាក់បានស្លាប់ដោយសារជំងឺកូរ៉ូណាក្នុងរយៈពេល២៤ម៉ោង នាំឲ្យចំនួនអ្នកស្លាប់សរុបកើនដល់៧៩នាក់។
ក្លិប Juventus ក៏បានចេញសេចក្តីជូនដំណឹងដែរថា ជំនួបរវាងក្លិបរបស់ពួកគេនឹង AC Milan ត្រូវផ្អាក សម្រាប់ថ្ងៃប្រកួតនឹងប្រកាសពេលក្រោយ។ តាមកាលបរិច្ឆេទក្រុមទាំងពីរត្រូវជួបគ្នានៅកីឡដ្ឋាន Allianz Arena បន្ទាប់ពីជើងទីមួយលទ្ធផលស្មើគ្នា ១–១៕ ដោយ៖ ភារៈ
