សារព័ត៌មាន នគរវត្ត តែងតែនាំមុខគេជានិច្ច
កន្លងមករុស្ស៊ីបានចោទប្រកាន់អាមេរិក ថាជាអ្នកបង្កើតនិងសាយភាយវីរុសផ្លូវដង្ហើមកូវីដ-១៩ នៅក្នុងប្រទេសចិន ដើម្បីបំផ្លាញសេដ្ឋកិច្ចចិនដែលកំពុងតែលូតលាស់យ៉ាងខ្លាំងអាចដណ្តើមមហាអំណាចសេដ្ឋកិច្ចយោធាពីអាមេរិក។ គោលដៅរបស់អាមេរិកគឺបំផ្លាញចិន និងពិភពលោកទាំងមូលកំឲ្យដើរតាមទាន់អាមេរិក។
នៅពេលនេះអ៊ីរ៉ង់ ក៏បានចោទប្រកាន់អាមេរិក ថាជាអ្នកសាយភាយកូវីដ-១៩ដើម្បីបំផ្លាញចិននិងអ៊ីរ៉ង់ ។ អគ្គមេបញ្ជាការកងទ័ពបដិវត្ដន៍អ៊ិស្លាមអ៊ីរ៉ង់ (IRGC) លោក Hossein Salami បានលើកឡើងថា អាមេរិក គឺជាអ្នកនៅពីក្រោយការរាតត្បាត នៃវីរុសរលាកផ្លូវដង្ហើមថ្មី (Covid-19) ក្នុងប្រទេសចិននិងអ៊ីរ៉ង់។
មេទ័ពអ៊ីរ៉ង់ បានព្រមានថា មេរោគទាំងនោះនឹងវិលត្រឡប់ទៅវាយប្រហារអាមេរិកវិញជាមិនខាន។ បច្ចុប្បន្នអាមេរិកក៏មានករណីស្លាប់ដោយសារជំងឺនេះកើនឡើង ចំនួនន១២នាក់ និង មានអ្នកឆ្លងចំនួន២២១នាក់ផងដែរ។
លោក Hossein Salami បានបញ្ជាក់ថា «ប្រភេទវីរុសរលាកផ្លូវដង្ហើមប្រភេទថ្មីនេះអាចជាស្នាដៃរបស់អាមរិក ក្នុងការវាយប្រហារជីវសាស្ត្រសំដៅលើប្រទេសចិន និងអ៊ីរ៉ង់ ក៏ដូចជាពិភពលោកទាំងមូល»។ រីឯក្រុមអ្នកឯកទេសវិភាគក៏ធ្លាប់បានលើកឡើងថា គោលដៅ នៃការវាយប្រហារដោយវីរុស គឺជាការបំផ្លាញសេដ្ឋកិច្ចពិភពលោក កាត់បន្ថយគម្លាត រវាងអាមេរិក និងចិន។ បើមិនដូច្នោះទេ ចិននឹងដណ្តើមមហាអំណាចសេដ្ឋកិច្ចពីអាមេរិក ក្នុងពេលដ៏ខ្លីខាងមុខ គឺនៅឆ្នាំ២០៣០ ជាក់ជាមិនខាន ។
មេទ័ពអ៊ីរ៉ង់ក៏បានសន្យាថា យើងនឹងតស៊ូប្រឆាំងវីរុសដ៏គ្រោះថ្នាក់នេះ ហើយព្រមានថា ជំងឺឆ្លងនេះនឹងវិលត្រឡប់ទៅវាយប្រហារអាមេរិកវិញ ប្រសិនបើទីក្រុងវ៉ាស៊ីនតោន ពិតជានៅពីក្រោយ នៃការឆ្លងរាលដាល Covid-19 នេះមែន។
អ៊ីរ៉ង់ជាប្រទេសដែលរងផលប៉ះពាល់យ៉ាងខ្លាំង ដោយសារវីរុស Covid-19 ក្រៅពីប្រទេសចិន។ បើគិតមកដល់ថ្ងៃទី៥ ខែមីនា អ៊ីរ៉ង់ មានករណីឆ្លងវីរុសផ្លូវដង្ហើម រហូតដល់ទៅ៣៥១៣នាក់ និងមានអ្នកស្លាប់ចំនួន១០៧នាក់ស្លាប់។ សាលារៀនទាំងអស់នៅប្រទេសអ៊ីរ៉ង់ត្រូវបានបិទទ្វារ ដើម្បីទប់ស្កាត់ការឆ្លងរាលដាល នៃវីរុសរលាកផ្លូវដង្ហើមប្រភេទថ្មីនេះ។
នៅពេលនេះមានមន្ត្រីជាន់ខ្ពស់ម្នាក់របស់អ៊ីរ៉ង់ម្នាក់ទៀតហើយបានស្លាប់ដោយសារតែវីរុសផ្លូវដង្ហើមនេះ គឺលោក Hossein Sheikholeslam អតីតអគ្គរដ្ឋទូតអ៊ីរ៉ង់ ប្រចាំនៅស៊ីរី និងជាទីប្រឹក្សារដ្ឋមន្ត្រីការបរទេសអ៊ីរ៉ង់។ជាមួយគ្នានេះដែរ មន្ត្រីជាន់ខ្ពស់អ៊ីរ៉ង់ជាង៣០រូបបានឆ្លងវីរុសផ្លូវដង្ហើមថ្មី ក្នុងនោះមានតំណាងរាស្ត្រ ចំនួន២៣នាក់។ អ៊ីរ៉ង់ជាប្រទេសមានពលរដ្ឋ៨៣លាននាក់បានក្លាយជាសម្បុកវីរុស Covid-19 ក្នុងតំបន់មជ្ឈិមបូព៌ា៕ ម៉ែវ សាធី
