សារព័ត៌មាន នគរវត្ត តែងតែនាំមុខគេជានិច្ច
ក្របខ័ណ្ឌកំពូលរបស់អង់គ្លេស Premier League បានផ្អាកឲ្យកីឡាករនិងមន្ត្រីអាជ្ញាកណ្ដាលធ្វើការចាប់ដៃស្វាគមន៍គ្នាមុនការប្រកួត ព្រោះតែបារម្ភពីវីរុសកូរ៉ូណា ដែលរីករាលដាល់ដល់ប្រទេសប្រមាណ៧០រហូតមកដល់ពេលនេះ។
ប្រធានរបស់សហព័ន្ធក្របខ័ណ្ឌបាល់ទាត់លីកកំពូលអង់គ្លេស បានចេញសេចក្តីប្រកាសថា វប្បធម៌ចាប់ដៃស្វាគមន៍គ្នាមុនការប្រកួតនឹងមិនធ្វើទៀតឡើយចាប់ផ្ដើមពីសប្ដាហ៍នេះរហូតដល់សេចក្ដីជូនដំណឹងបន្ថែម។ទំនៀមទម្លាប់ក្រុមម្ចាស់ផ្ទះដើរស្វាគមន៍ក្រុមភ្ញៀវនឹងបន្តធ្វើដូចរាល់ដង គ្រាន់តែផ្អាកមិនឲ្យចាប់ដៃគ្នា។
សូមបញ្ជាក់ថា កាលពីសប្ដាហ៍មុនលោក Steve Bruce អ្នកចាត់ការរបស់ Newcastle បានឲ្យកីឡាករក្រុមរបស់លោកបញ្ឈប់ការចាប់ដៃគ្នានៅពេលព្រឹក រាល់ពេលទៅហាត់។ ជាមួយគ្នានេះក្លិប Southampton ក៏បានប្រកាសឲ្យកីឡាករខ្លួនឈប់ស៊ីញ៉េឬថត Selfie ជាមួយគ្នាគាំទ្រផងដែរ៕ ដោយ៖ភារៈ
