សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ នៅល្ងាចថ្ងៃទី១៤ ខែមីនា ឆ្នាំ២០២០នេះ សម្តេចនាយករដ្ឋមន្ត្រី ហ៊ុន សែន បានមានប្រសាសន៍ នាពិធីបុណ្យទន្លេ នៅខេត្តបាត់ដំបងថា កម្ពុជា មិនអាចអនុវត្តតាមលក្ខខណ្ឌសម្រាប់អ្នកដំណើរលើនាវា Viking Cruise នៅខេត្តកំពង់ចាម ដូចករណីនាវា Westerdam នៅខេត្តព្រះសីហនុ នោះឡើយ ។ ព្រោះក្នុងនាវា Viking Cruiseនោះ មានមនុស្សដល់ទៅ៣នាក់កើត កូវីដ១៩ COVID-19 ។
សម្តេចនាយករដ្ឋមន្ត្រី ហ៊ុន សែន មានប្រសាសន៍បន្ថែមទៀតថា សុំការយោគយល់ពីមន្ត្រីស្ថានទូតបរទេសមួយចំនួន ដែលបានស្នើសុំយកអ្នកដំណើរនៅនាវា Viking Cruise ទៅសម្រាកនៅសណ្ឋាគារផ្កាយ៥នៅភ្នំពេញ ។ ប៉ុន្តែកម្ពុជាមិនអាចធ្វើបានដូចតាមការស្នើសុំនោះឡើយ ព្រោះក្នុងនាវានោះមានមនុស្សដល់ទៅ៣នាក់កើត COVID-19 ដូច្នេះការអនុញ្ញាតឲ្យពួកគេដើរហើរដោយសេរី ប្រៀបដូចជាការបំផ្លាញពលរដ្ឋខ្មែរ១៦លាននាក់។
គួររំលឹកថា ករណីនៅនាវា Westerdam ដដែលកម្ពុជាមានកា
ររៀបចំជាពិសេសនោះ ដោយសារតែពួកគេគ្មាន វីដ១៩COVID-19៕ សហការី
