សារព័ត៌មាន នគរវត្ត តែងតែនាំមុខគេជានិច្ច
អតីតកីឡាករឆ្នើមប្រេស៊ីស Ronaldinho ដែលកំពុងស្ថិតក្នុងពន្ធនាគារប្រទេសប៉ារ៉ាហ្គាយ បានជួយក្រុមក្នុងការប្រកួតក្នុងពន្ធនាគារនោះ ឈ្នះពានរង្វាន់មួយប្រចាំគុក និងទទួលបានរង្វាន់សាច់ជ្រូក១៦គីឡូក្រាម។
អាជ្ញាធរប្រទេសប៉ារ៉ាហ្គាយបានឃាត់ខ្លួនអតីតវីរបុរសបាល់ទាត់ប្រេស៊ីលរូបនេះ ដោយសារតែរូបគេនិងប្អូនប្រុស បានប្រើប្រាស់លិខិតឆ្លងដែនក្លែងក្លាយ។ ការឃាត់ខ្លួននេះត្រូវ បញ្ជូនឱ្យ Ronaldinho ចូលពន្ធនាគារសិន ដើម្បីរង់ចាំមេធាវីតវ៉ាក្ដី។ ស្ថិតនៅក្នុងពន្ធនាគារនោះ Ronaldinho បានទទួលការគាំទ្រខ្លាំងដដែល ដោយអ្នកទោសក្នុងគុកស្រលាញ់រូបគេយ៉ាងខ្លាំង។
ពេលស្ថិតក្នុងពន្ធនាគារអតីតកីឡាករ Barcelona រូបនេះបានចូលប្រកួតពានរង្វាន់បាល់ទាត់មួយក្នុងគុកដោយក្រុមម្ខាងលេង៥នាក់។ ពេលចប់ការប្រកួត Ronaldinho បានជួយក្រុមរបស់គេឈ្នះគូប្រកួតដល់ទៅ១១–២ ដោយរូបគេរកបាន៥គ្រាប់និងបញ្ជូនបាល់ឱ្យគេបាន៦គ្រាប់។ អ្វីដែលគួរឲ្យភ្ញាក់ផ្អើលនោះរង្វាន់សម្រាប់អ្នកឈ្នះការប្រកួតនេះគឺសាច់ជ្រូកសុទ្ធទម្ងន់១៦គីឡូក្រាម ដែលទទួលបានពីការឈ្នះនេះ ៕ដោយ៖ ភារៈ
