សារព័ត៌មាន នគរវត្ត តែងតែនាំមុខគេជានិច្ច
កីឡាករ Cristiano Ronaldo ខ្សែប្រយុទ្ធឆ្នើមរបស់ក្លិប Juventus ត្រូវបានគេរាយការណ៍ថា បានសម្រេចចិត្តរួចជាស្រេចថានឹងផ្លាស់ទៅចូលរួមនៅក្លិប Inter Maimi របស់វីរបុរសអង់គ្លេសគឺលោក David Beckham នៅរដូវកាលក្រោយ ។
ខ្សែប្រយុទ្ធវ័យ៣៥ ឆ្នាំ ដែលរកបាន ២១ គ្រាប់នៅ Serie A រដូវកាលនេះ ហើយសេសសល់កុងត្រាដល់បញ្ចប់រដូវកាល ២០២១-២២ ក្តី ប៉ុន្តែរូបលោកគិតចង់ចាកចេញត្រឹមឆ្នាំបន្ទាប់ពោលគឺរដូវក្តៅបញ្ចប់រដូវកាល ២០២០-២០២១ នឹង ផ្លាស់ចេញទៅកាន់លីកកំពូលអាមេរិក MLS ហើយ។ នេះបើយោងតាមសារព័ត៌មាន Don Balon បានចុះផ្សាយ។
សារព័ត៌មានដដែលផ្សារថា ភាគរយនៃការផ្លាស់ចេញនេះនឹងកាន់តែខ្ពស់ឡើងថែមទៀត ប្រសិនបើក្លិប Juventus បរាជ័យក្នុងការដណ្តើមពានរង្វាន់អឺរ៉ុប UEFA Champions League ដែលកីឡាកររូបនេះខកខានឈ្នះកាលពីនៅក្លិបចាស់ Real Madrid អស់រយៈពេលជាច្រើនឆ្នាំ ៕ ដោយ៖ភិរក្ស 
