សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ តារាកំប្លែងដែលនិយមលេចមុខក្នុងក្រុមអ្នកនាង ខាត់ សុឃីម ដែលមានជំងឺក្រលៀនរ៉ាំរ៉ៃនោះបានស្លាប់បាត់បង់ជីវិតហើយកាលពីល្ងាចថ្ងៃទី២៥ ខែមីនា ឆ្នាំ ២០២០នេះ។
មានភ្ញាក់ផ្អើលយ៉ាងខ្លាំងលើគណនិយហ្វេសប៊ុក អ្នកសិល្បៈត្រកូល ខាត់ គឺ លោក ខាត់ ចម្រើន បានបង្ហោះព័ត៌មានដ៏សោកសៅ និងក្តីអាឡោះអាល័យបង្ហាឲ្យសាធារណៈជនបានដឹង នាយ កំប៉ោយ តារាកំប្លែងតែងបង្កសំណើចសើចមិនចេះរីងស្ងួតនាយ កំធ្លាក់ខ្លួនឈឺកាលពីពេលកន្លងទៅ ពេលនេះបានទទួលមរណភាពហើយ។ មរណភាពបន្ទាប់ពីជំងឺក្រលៀនរ៉ារ៉ៃរយៈពេលប៉ុន្មានឆ្នាំចុងក្រោយនេះ និងគ្មានលទ្ធភាពក្នុងការព្យាបាលដូរក្រលៀននោះ។ សពរបស់តារាកំប្លែងរូបនេះត្រូវបានក្រុមគ្រួសារដដឹកយកទៅធ្វើបុណ្យតាមប្រពៃណីនៅផ្ទះនាតំបន់ភ្នំបាសិទ្ធ។
គួរបញ្ជាក់ដែរថាតារាកំប្លែង នាយ ប៉ោយ បានធ្លាក់ខ្លួនឈឺធ្ងន់រហូតខូចក្រលៀនទាំងពីរ ត្រូវចំណាយថវិកាច្រើន ខណៈដែលមានជីវភាពខ្វះខាត។ នេះបើយោងតាមការសម្ភាសន៍របស់ផេក សិល្បករកម្ពុជា នាយប៉ោយ ត្រូវទៅលាងឈាមមួយអាទិត្យ ២ដង ហើយម្តងនោះត្រូវចំណាយខ្ទង់១០០ដុល្លារ នាយ ប៉ោយ បាននាយចាប ចៀន ជួយអោយបានសម្តែងក្នុង កម្មវិធីផ្ទះសំណើច គ្រាន់បានថវិកាបន្តិចបន្តួចផ្សំគ្នាបានមួយពេលៗយកទៅព្យាបាលជំងឺ៕ ដោយ វឌ្ឍនា
