ជនជាតិចិនប្រុសស្រី២នាក់ដែលឡើងកំដៅខុសធម្មតាក្នុងចំណោម១៧៤នោះក្រោយពីយកសំណាកពិនិត្យនៅបាស្ទ័ររាជធានីភ្នំពេញគឺអវិជ្ជមានទាំង២នាក់មិនមានជម្ងឺកូវីត១៩នេះទេ

ខេត្តស្វាយរៀង៖ នៅយប់ថ្ងៃទី២៦ខែមិនាឆ្នាំ២០២០នេះលោកលឹមសៀងហេងអភិបាលក្រុងបាវិតបានអោយដឹងថាជនជាតិចិនប្រុសស្រី២នាក់ដែលឡើងកំដៅខុសធម្មតាក្នុងចំណោម១៧៤នោះក្រោយពីយកសំណាកពិនិត្យនៅបាស្ទ័ររាជធានីភ្នំពេញគឺអវិជ្ជមានទាំង២នាក់មិនមានជម្ងឺកូវីត១៩នេះទេ។

លោកបន្តថាសូមបងប្អូនទាំងអស់សូមមេត្តាប្រុងប្រយត្ន័រក្សាសុខភាពនិងអនាម័យអោយបានគ្រប់ៗគ្នា។

គួររំលឹកឡើងវិញថាយោងតាមលោកកែររដ្ឋាប្រធានមន្ទីសុខាភិបាលខេត្តស្វាយរៀងបានអោយដឹងនៅព្រឹកថ្ងៃទី២៦ខែមិនាឆ្នាំ២០២០នេះថាជនជាតិចិនដែលសមត្ថកិច្ចឃាត់មកសាកសួរនៅសាលាក្រុងបាវិតនោះសរុបចំនួន១៧៤នាក់ហើយបានយកពួកគាត់ទៅសណ្ឋាគារមួយកន្លែងស្ថិតនៅក្នុងទីក្រុងបាវិត ។

លោកបន្តថាសណ្ឋាគារមួយកន្លែងដែលដាក់អោយជនជាតិចិនសម្រាកមាន ឈ្មោះថា “អ៉ឹម ម៉ីហៀង” មានចំនួន៥២បន្ទប់ ដោយរៀបចំនិងប្រើប្រាស់ជាទីកន្លែងរក្សាទុកប្រជាជនចិនចំនួន១៧៤នាក់ ក្នុងនោះមានស្រ្តីចំនួន៣៧នាក់​ ខណះស្នាក់នៅដាច់ដោយឡែក ចំនួន១៤ថ្ងៃ ដើម្បីផ្តល់ភាពងាយស្រួលដល់អាជ្ញាធរសុខាភិបាលពិនិត្យ តាមដាន ស្វែងរក និងទប់ស្កាត់ការរីករាលដាលនូវជម្ងឺកូវីឌ១៩(COVID-19)និងខាងមន្ទីរពេទ្យបានយកវត្ថុវិភាគទៅរាជធានីភ្នំពេញរង់ចាំលទ្ធផលបន្តទៀត។

សូមបញ្ជាក់ថា ​យ៉ាងហោចណាស់មានជនជាជនជាតិចិនប្រុសស្រីប្រមាណជិត២០០នាក់បានធ្វើដំណើរតាមរថយន្តក្រុងមកចុះនៅចំណុច​ខាង​មុខ​សណ្ឋាគារ​និង​កាស៊ីណូ​ជិត​ច្រក​ទ្វា​រ​ព្រំដែន​អន្តរជាតិ​បា​វិតបង្កការភ្ញាក់ផ្អើលដល់ក្រុម​សមត្ថកិច្ច​នគ​បាល​ក្រុង​បា​វិត​សហ​ការជាមួយ​កងរាជអាវុធហត្ថ​ក្រុង​បា​វិត​និង​នគ​បាល​អន្តោ​ប្រវេ​សន្ត៍​ច្រក​ទ្វា​ព្រំ​​ដែន​អន្តរជាតិ​បា​វិត​អាជ្ញាធរ​ក្រុង​បា​វិត​ទាំងយប់។

ហេតុការណ៏នេះបានកើតឡើងកាលពីវេលាម៉ោង៧យប់ថ្ងៃទី២៤ ​មីនា​២០២០​ ស្ថិត​នៅភូមិបាវិតកណ្ដាលសង្កាត់បាវិត​ក្រុង​បា​វិត។

ពាក់ពន្ធ័និងករណីខាងលើនេះ ​លោក​លឹ​ម ​សៀង​ហេង​ អភិបាលក្រុង​បា​វិត​បាន​ប្រាប់​អ្នកសារព័ត៍មានដឹង នៅ​យប់​ថ្ងៃ​ទី​២៤​ មីនា ​ឆ្នាំ​​២០២០ ​គឺ​មាន​ជនជាតិ​ចិន​ប្រមាណ​ជិត២០០​នាក់​បាន​ធ្វើ​ដំណើរ​ពី​ទិ​ស​ខាងលិច​តាម​ផ្លូវជាតិ​លេខ​១​មក​ចុះ​នៅ​មុខ​សណ្ឋាគារ​និង​កាស៊ីណូ​ក្នុង​ក្រុង​បា​វិត ​ហើយ​គោលបំណង​ចូល​ស្នាក់​នៅ​ក្នុង​សណ្ឋាគារ​និង​តាម​កាស៊ីណូ​ ក៏​ប៉ុន្តែ​ម្ចាស់​សណ្ឋាគារ​និង​កាស៊ីណូ​មិន​អ​នុ​ញ្ញាត​​ ដោយ​​បាន​រាយការណ៍​​ជូន​អាជ្ញាធរ​និង​សមត្ថកិច្ច​។

ក្រោយមក ទើប​លោក​សហ​ការជាមួយ​នគ​បាល​អន្តោ​ប្រវេ​សន្ត៍​ស្នងការ​នគ​បាល​ខេត្ត​នគ​បាល​អន្តោ​ប្រវេ​សន្ត៍​ច្រក​ទ្វា​រ​ព្រំដែន​អន្តរជាតិ​បា​វិត​នគ​បាល​ក្រុង​បា​វិត​និង​កងរាជអាវុធហត្ថ​ក្រុង​ខេត្ត​ចុះ​ទៅ​ឃាត់​និង​បញ្ជូន​ជនជាតិ​ចិន​ទាំង​២០០​នាក់​មក​ដាក់​ឲ្យ​ស្នាក់​នៅ​ក្នុង​សាលាក្រុង​បា​វិត នៅ​អធិការដ្ឋាន​នគ​បាល​ក្រុង​បា​វិត​និង​អាគារ​កងរាជអាវុធហត្ថ​ក្រុង​បា​វិត​ដើម្បី​គ្រប់គ្រង​និង​សាកសួរ​។

​លោក​អភិបាលក្រុង​បន្ត​ទៀត​ថា​ ហើយនៅ​ព្រឹក​ថ្ងៃ​ទី​២៥ ​មី​នា​ ឆ្នាំ​២០២០​នេះ​សមត្ថកិច្ច​នគ​បាល​អន្តោ​ប្រវេ​សន្ត៍​ស្នងការដ្ឋាន​នគ​បាល​ខេត្ត​បាន​សហ​ការ​ជា​នគ​បាល​អន្តោប្រវេសន៍​ច្រក​ទ្វា​ព្រំដែន​អន្តរជាតិ​សាកសួរ​និ​ង​ឲ្យ​មន្ត្រី​សុខាភិបាល​ពិនិត្យ​និង​ធ្វើ​ច​ត្តា​ឡី​ស​ក័​រហូត​ដល់​ម៉ោង​១១​និង​៣០​នាទី​ព្រឹក​នេះ​ពុំ​ទាន់​រក​ឃើញ​មាន​សញ្ញា​​អ្វី​គួរ​ឲ្យ​សង្ស័យពាក់ព័ន្ធ​​ករណី​វីរុស​កូ​វី​ដ-​១៩​ទេ​។

ចំពោះ​លទ្ធផល​យ៉ាងណា​នោះ ​យើង​មិន​ទាន់​ទទួល​បាន​ជាផ្លូវការនោះទេ ដោយសមត្ថកិច្ចនោះយាមកាម ដោយ​ដាក់​ខ្សែ​ព​ទ្ធ័ជុំ​វិញ​បរវេ​ណ​ទីតាំង​ទាំង​បី​ចម្ងាយ​៣០​ម៉ែត្រ​ពីរ​បង​ផងដែរ ។ ​

ខណះដែលសមត្ថកិច្ចកំពុងដាក់ជនជាតិទាំងនេះឲ្យនៅ​ដោយឡែក ​និង​កំពុងធ្វើការ​សូម​រង់ចាំ​លទ្ធផល​​នៅពេល​​ក្រោយ​បន្តទៀត។ យឹម សុថាន