លោក ថេង សុថុល អភិបាលនៃគណៈអភិបាលខណ្ឌចំការមន បានចុះ ផ្សព្វផ្សាយ ចែកខិត្តប័ណ្ណ ណែនាំ អំពី ពិធីការពារ និង ទប់ស្កាត់ ជំងឺ កូវីដ១៩ ជូនប្រជាពលរដ្ឋ ក្នុងសង្កាត់ទាំង៥ ក្នុងខណ្ឌចំការមន

ចែករំលែក៖

ភ្នំពេញៈ នៅព្រឹកថ្ងៃទី ២៩ ខែមិនា ឆ្នាំ២០២០ សាលាខណ្ឌចំការមន ដឹកនាំដោយ លោក ថេង សុថុល អភិបាលនៃគណៈអភិបាលខណ្ឌចំការមន បានចុះ ផ្សព្វផ្សាយ ចែកខិត្តប័ណ្ណ នែនាំ អំពី ពិធីការពារ និង ទប់ស្កាត់ ជំងឺ កូវីដ១៩ ជូនប្រជាពលរដ្ឋ ក្នុងសង្កាត់ទាំង៥ ក្នុងខណ្ឌចំការមន ។
នៅក្នុងនោះដែរ លោកថេង សុថុល អភិបាលនៃគណៈអភិបាលខណ្ឌចំការមន បានអោយដឹងថា ដោយមានការ ណែនាំអំពីប្រមុខរាជរដ្ឋាភិបាល ក៍ដូចជា ក្រសួងសុខាភិបាលរាជធានីភ្នំពេញ បានចេញសេចក្ដីប្រកាសព័ត៌មាន អោយបងប្អូនប្រជាពលរដ្ឋ ចូលរួមទប់ស្កាត់ និងការពារ ការឆ្លងជម្ងឺ កូវីដ១៩ នៅព្រឹកថ្ងៃ អាទិត្យ ទី២៩ខែមិនា ឆ្នាំ២០២០ លោកបានដឹកនាំ កម្លាំងមន្ត្រី សាលាខណ្ឌចំការមន ក៍ដូចជា ក្រុម យុវជន សហភាព សហព័ន្ធយុវជនកម្ពុជា (សសយក)បានចុះផ្សព្វផ្សាយនិងចែកខិត្តប័ណ្ណ ជូនបងប្អូនប្រជាពលរដ្ឋ ដែលរស់នៅក្នុងខណ្ឌចំការមន ដេីម្បីអោយ បងប្អូនប្រជាពលរដ្ឋ អោយចូលរួមទប់ស្កាត់និងការពារការឆ្លងជម្ងឺ កូវីដ ១៩ ដែរកំពុង រីករាលដាល នៅប្រទេសកម្ពុជា អោយដឹងកាន់តែច្បាស់ ។
លោកថេង សុថុល អភិបាលនៃគណៈអភិបាលខណ្ឌចំការមន ក៍មានប្រសាសន៍ទៀត ទោះបីជាក្នុងខណ្ឌចំការមន មិនទាន់មានអ្នកឆ្លងជំងឺ កូវីដ ១៩នៅឡើយ តែសូមបងប្អូនប្រជាពលរដ្ឋ ដែលរស់នៅ ក្នុងមូលដ្ឋាន ទាំងអស់ ចូលរួម ទប់ស្កាត់ និងការពារ ការឆ្លងជម្ងឺ កូវីដ១៩ គឺសូមអោយបងប្អូន ប្រជាពលរដ្ឋចូលរួមធ្វើអនាម័យ ជាប្រចាំ គឺត្រូវ ពាក់ម៉ាស លាងដៃ ឲ្យបានត្រឹមត្រូវ ជាមួយនឹង សាប៊ូ ជែល និងអាកុល ជានិច្ច ដើម្បីសុខភាព និងការពារ ការឆ្លង ជម្ងឺដល់បងប្អូនប្រជាពលរដ្ឋគ្រប់ៗគ្នា ។ ដោយ៖ ស រស្មី