សារព័ត៌មាន នគរវត្ត តែងតែនាំមុខគេជានិច្ច
ប៉ៃលិន៖ បុរស៣នាក់ត្រូវបានរងរបួសធ្ងន់ ខណៈ ពេលដែលបុរសម្នាក់បានជិះម៉ូតូឌុបបុរស២នាក់ជិះពីរក្រោយ ពេលកំពុងតែ
ធ្វើដំណើរលើផ្លូវជាតិលេខ៥៩ក្នុងទិសដៅពីក្បូងទៅជើងបញ្ច្រាស់ទិសគ្នាត្រូវបានរថយន្ត១គ្រឿងមិនស្គាល់ម៉ាកបានបើក
លឿនរេចង្កូតទៅបុកម៉ូតូពេញទំហឹងបណ្ដាលឲ្យបុរស៣នាក់រងរបួសធ្ងន់តែម្ដង។
រីឯអ្នកបើកបររថយន្តបង្ក បើកបររថយន្តគេចខ្លួនបាត់ស្រមោល។
ហេតុការណ៍ដែលអ្នក បើករថយន្តបុកម៉ូតូនេះបានកើតឡើងនៅវេលាម៉ោង៥និង៣១នាទីល្ងាច ថ្ងៃចន្ទ ០៧កើត ខែចេត្រ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី៣០ មីនា ២០២០ នៅបណ្តោយផ្លូវជាតិលេខ៥៩ ក្នុងភូមិភ្នំស្ពុង ឃុំសាលាក្រៅ,ស្រុកសាលាក្រៅ ខេត្តប៉ៃលិន ។
ប្រភពព័ត៍មានពីនគរបាលស្រុកសាលាក្រៅបានឱ្យដឹងថា÷ជនរងគ្រោះមាន ឈ្មោះ ឃាន ស៊ីវឿន ភេទប្រុសអាយុ៣៨ឆ្នាំរស់នៅភូមឃុំកើតហេតុខាងលើរងរបួសធ្ងន់ដោយបើកបរម៉ូតូម៉ាកឃ្លីក ពណ៌ស ពាក់ផ្លាកលេខ ប៉ៃលិន C-4059រងការខូចខាតផ្នែកខាងមុខយ៉ាងដំណំ ។ អ្នករួមដំណើរទី១. ឈ្មោះ ឃាន សុខហេង ភេទប្រុស អាយុ៣ឆ្នាំជាកូន(រងរបួសធ្ងន់) ។ អ្នករួមដំណើរទី២. មិនស្គាល់អត្តសញ្ញាណ (រងរបួសធ្ងន់) ។
ចំណែកអ្នកបើកបររថយន្ត មិនស្គាល់អត្តសញ្ញាណ ដោយបើកបរបញ្ច្រាស់ទិសគ្នា ។
ក្រោយពេលកើតហេតុ ភាគីខាងរថយន្ត បានបើកបររត់គេចបាត់ពីកន្លែងកើតហេតុ ។
បច្ចុប្បន្នកម្លាំងជំនាញកំពុងតាមស្រាវជ្រាវស្វែងរកមុខសញ្ញា។ឯអ្នករងរបួសទាំងអស់ត្រូវបានបញ្ជូនទៅកាន់មន្ទីរពេទ្យបង្អែកខេត្ត ។ ចំណែកឯម៉ូតូត្រូវបានយកទៅរក្សាទុកនៅអធិការដ្ឋាននគរបាលស្រុកសាលាក្រៅ រងចាំជនរងគ្រោះព្យាបាលជាចេញពីមន្ទីរពេទ្យបានប្រគល់ឲ្យម្ចាស់វិញ៕ ដោយ ៖ស សារ៉េត
