ឯកឧត្ដម វ៉ា ថន អភិបាល នៃគណៈអភិបាលខេត្តក្រចេះ បន្តជំរុញពង្រឹង និងពង្រីកការតាមដានៅចុះអប់រំផ្សព្វផ្សាយទប់ស្កាត់ការពារ ការរីករាលដាល់នៃវីរុសកូវីដ១៩   

ឯកឧត្តមបានធ្វើការណែនាំបន្ថែម ដល់អាជ្ញាធរក្នុងខេត្តត្រូវចុះតាមដានអំពីសម្មភាព និងស្ថានភាពរស់នៅរបស់ពលរដ្ឋពិសេស បងប្អូនដែលធ្វើដំណើរមកពីក្រៅប្រទេសហើយកំពុងរស់នៅតាមមូលដ្ឋាន ភូមិ ឃុំ សង្កាត់ ដើម្បីធ្វើចប្ចុប្បន្នភាព អប់រំនិងតាមដានសុខភាពពួកគាត់ជាប្រចាំ  ហើយចំពោះអ្នកសង្ស័យ ក្រុមគ្រូពេទ្យនៃមន្ទីរសុខាភិបាលខេត្ត ត្រូវអញ្ជើញពួកគាត់ឲ្យមកធ្វើតេស្ត រកមេរោគកូវិដ ១៩ ដើម្បីឲ្យប្រាកដថា ពួកគាត់មានផ្ទុកដែរឬអត់ទេ ។
នៅក្នុងកិច្ចប្រជុំនោះដែរ ឯកឧត្តមបានលើកយករបៀបវារៈចំនួន ៣មកពិភាក្សានិងដោះស្រាយគឺ ១/ការពិនិត្យសេចក្តីព្រាងរបាយការណ៍កាងារប្រចាំត្រីមាសទី១។
២/ការពិនិត្យលើភារកិច្ចសំខាន់ៗរួមមាន ការ ងារសន្តិសុខ សណ្ដាប់ធ្នាប់សង្គម ការងារសេដ្ឋកិច្ចនិងសង្គមកិច្ច។
៣/ផែនការនិងវិធានការ ប្រយុទ្ធប្រឆាំងនិងទប់ស្កាត់ការរីករាលដាលមេរោគកូវីដ ១៩ និងការត្រៀមរៀបចំតាមមន្ទីរ អង្គភាពជុំវិញខេត្ត ក្នុងការទទួលអបអរពិធី បុណ្យចូលឆ្នាំប្រពៃណីជាតិខ្មែរយើង ដែលជិតចូលមកដល់ក្នុងពេលដ៏ខ្លីខាងមុខនេះផងដែរ៕

មាស សុផាត