សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ បុរសម្នាក់ចុះបូមទឹកមិនប្រយ័ត្នបណ្តាលឲ្យខ្សែចរន្តអគ្គិសនីម៉ូទ័របូបទឹកឆក់ស្លាប់យ៉ាងអាណោចអាធ័ម កាលពីវេលាម៉ោង១០និង១០នាទីព្រឹក ថ្ងៃពុធ ៩កើត ខែចេត្រ ឆ្នាំជូត ព.ស. ២៥៦៣ ត្រូវនឹងថ្ងៃទី១ ខែមេសា ឆ្នាំ២០២០ ស្ថិតនៅក្នុងភូមិទន្លាប់ ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ ។
មន្រ្តីនគរបាល ស្រុកព្រះនេត្រព្រះជនរងគ្រោះឈ្មោះ ឃឿន ថាញ់ ភេទប្រុស អាយុ៤១ឆ្នាំ មុខរបរ កសិក មានទីលំនៅភូមិ-ឃុំ កើតហេតុខាងលើ ។
សាក្សីបានប្រាប់សមត្ថកិច្ចនគរបាលជំនាញថា មុនពេលកើតហេតុជនរងគ្រោះបានយកម៉ូទ័រទៅបូបទឹកពីក្នុងស្រះដាក់ពាងទុកប្រើប្រាស់ តែចៃដន្យក្នុងពេលកំពុងបូមទឹកនោះស្រាប់តែម៉ូទ័រឆ្លងចរន្តអគ្គិសនីគាប់ជួនជនរងគ្រោះស្ទុះទៅកន្ត្រាក់ដកខ្សែភ្លើងចេញ បណ្តាលឲ្យឆក់ស្លាប់ នៅនឹងកន្លែងកើតហេតុតែម្តង ។
ក្រោយកើតហេតុសមត្ថកិច្ច មូលដ្ឋានបានចុះទៅដល់ទីតាំង ដើម្បីពិនិត្យ រួចបញ្ជាក់ថា ជនរងគ្រោះ ពិតជាស្លាប់ដោយសារ ឧបត្តិហេតុឆ្លងចរន្តអគ្គិសនីឆក់ស្លាប់ពិតប្រាកដមែន ហើយសមត្ថកិច្ច ប្រគល់សពទៅក្រុមគ្រួសារធ្វើបុណ្យតាមប្រពៃណី៕ សហការី
