រថយន្តកុងតឺន័របុកគៀបម៉ូតូជាប់ក្រោមរថយន្តបណ្ដាលឲ្យបុរសម្នាក់ជាអ្នកបើកបរម៉ូតូស្លាប់បាត់បង់អាយុជីវិតភ្លាមៗនៅនឹងកន្លែងកើតហេតុ

ខេត្តព្រះសីហនុ៖  មានគ្រោះថ្នាក់ចរាចរណ៍រវាងរថយន្តកុងតឺនរ័មួយគ្រឿងបុកប៉ះនិងម៉ូតូ បណ្តាលអោយបុរសម្នាក់ស្លាប់ភ្លាមៗ នៅនិងកន្លែងកើតហេតុ ។ ហេតុការនេះកើតឡើងនៅវេលាម៉ោង០៩ យប់ថ្ងៃទី០៤ ខែមេសា ឆ្នាំ២០២០ លើផ្លូវជាតិលេខ០៤ ម្តុំចំណោតអូរត្រាវ ស្ថិតក្នុងស្រុកព្រៃនប់ ខេត្តព្រះសីហនុ ។

យោងតាមប្រភពព័ត៌មានបានអោយដឹងថា រថយន្តកុងតឺន័រមួយគ្រឿង ពណ៌ប្រផេះ ពាក់ស្លាកលេខ តាកែវ3D-0120 បើកបរចេញពីក្រុងព្រះសីហនុ បានបុកប៉ះម៉ូតូមួយគ្រឿង ពាក់ស្លាកលេខ ព្រះសីហនុ1H-1219 បណ្តាលអោយអ្នកបើកបរម៉ូតូស្លាប់ភ្លាមៗ នៅនឹងកន្លែងកើតហេតុ និងពុំទាន់ស្គាល់អត្តសញ្ញាណនៅឡើយទេ ៕

បច្ចុប្បន្នសមត្ថកិច្ចកំពុងចុះធ្វើការវាស់វែងកន្លែងកើតហេតុ និងយកវត្ថុតាងយកទៅដោះស្រាយតាមនីតិវិធីច្បាប់ រីឯសពវិញយកទៅរក្សាទុករងចាំក្រុមគ្រួសារយកទៅធ្វើបុណ្យតាមប្រពៃណី ៕ ឆ្លាម សមុទ្រ