សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងល្បាតការិយាល័យព្រហ្មទណ្ឌកម្រិតធ្ងន់ បានប្រដេញបង្ក្រាបឃាត់ខ្លួនជនសង្ស័យចំនួន០២នាក់។ករណីឆក់(ទូរស័ព្ទដៃជនជាតិចិន)ធ្វើដំ ណើរតាម(PASSAPP)តែមិនបានសម្រច កាលពីម៉ោង៧:៣០នាទីយប់ ថ្ងៃទី០៦ ខែមេសា ឆ្នាំ២០២០ ត្រង់ផ្លូវលេខ៦៣ កែង២៨៨ សង្កាត់បឹងកេងកង១ ខណ្ឌ បឹងកេងកង រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យទី១ឈ្មោះ ចាន់ សុខហេង អាយុ ១៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់ នៅផ្ទះ៣២ ផ្លូវ៨១សង្កាត់ផ្សារថ្មី២ ខណ្ឌដូនពេញ រាជ ធានីភ្នំពេញ។
ទី២ឈ្មោះ លី ជាម៉ាន់ អាយុ ១៨ឆ្នាំ ជន ជាតិខ្មែរ មុខរបរមិនពិតប្រាកដ ស្នាក់នៅផ្ទះគ្មានលេខ ផ្លូវសុកហុក សង្កាត់អូរឬស្សី១ ខណ្ឌ៧មករា រាជធានីភ្នំ ពេញ។ នេះជាមុខសញ្ញាចាស់ធ្លាប់ធ្វើសកម្មភាពឆក់ ទូរ សព្ទ័ដៃចំនួន ០៣លើក ក្នុងទឹកដីខណ្ឌបឹងកេងកង បានសម្រេច០២លើក និង មិនបានសម្រច០១លើក។
– សម្ភារដកហូត: ម៉ូតូមួយគ្រឿងម៉ាកស្កុបពីពណ៌ទឹក ដោះគោ សេរី២០១៤ ពាក់ស្លាកលេខភ្នំពេញ 1CK- 4733 ។
បន្ទាប់ពីបញ្ចប់ការសួរនាំ និងផ្អែកតាមចម្លើយសារភាព កម្លាំងជំនាញការិយាល័យព្រហ្មទណ្ឌកម្រិតធ្ងន់ បានកសាងសំណុំរឿងដើម្បីបញ្ជូនជន សង្ស័យទាំង២នាក់ ទៅកាន់សាលាដំបូងរាជធានី ភ្នំពេញ ចាត់ការបន្ដតាមនីតិវិធី៕ជ្រោយ ពេជ្រ
