កម្លាំងចម្រុះរដ្ឋបាលក្រុងព្រះសីហនុ​ បានចុះបង្រ្កាបទីតាំងល្បែងជល់មាន់​និងល្បែងអាប៉ោង ០១កន្លែង​ នៅក្នុងសង្កាត់លេខ១

ព្រះសីហនុ៖ ព្រឹកថ្ងៃទី១១ ខែមេសា​ ឆ្នាំ២០២០​ កម្លាំងចម្រុះរដ្ឋបាលក្រុងព្រះសីហនុ​ បានចុះបង្ក្រាបទីតាំងល្បែងជល់មាន់​ និងល្បែងសុីសង​(អាប៉ោង)​ ០១កន្លែង​ ស្ថិតនៅក្រុម២២​ ភូមិ១​ សង្កាត់លេខ១​ ក្រុងព្រះសីហនុ​ ខេត្តព្រះសីហនុ។

ក្នុងនោះដែរ​ កម្លាំងបានចាប់មាន់ជល់​ចំនួន​ ៤ក្បាល​ ម៉ូតូចំនួន​ ១៩គ្រឿង​ និងឃាត់មនុស្សចំនួន​ ០៣នាក់​ ​ យកមកបន្តនីតិវីធីនៅសាលាក្រុងព្រះសីហនុ។

ចំពោះល្បែងសុីសងខុសច្បាប់​ទាំងអស់នេះ លោកអភិបាល​ក្រុង​ព្រះសីហនុ បានដាក់បទបញ្ជាយ៉ាងម៉ឹងម៉ាត់ ត្រូវចុះបង្រ្កាបល្បែងសុីសងខុសច្បាប់ទាំងអស់នៅទូទាំងក្រុងព្រះសីហនុ​។

ទន្ទឹមនេះ​ក៏សូមសំណូមពរដល់បងប្អូនប្រជាពលរដ្ឋ​ និងបណ្តាញអ្នកសារព៍ត៌មានទាំងអស់​ សូមរាយការណ៍ពីទីតាំងល្បែងសុីសងគ្រប់ប្រភេទមករដ្ឋបាលក្រុង​ (ដោយរក្សាការសម្ងាត់​) ដេីម្បីចាត់វិធានការចុះបង្រ្កាបឱ្យបានទាន់ពេលវេលា។

លេីសពីនេះទៅទៀត​ ការចុះបង្រ្កាបទីតាំងល្បែងសុីសងទាំងនេះ​ មិនត្រឹមតែលុបបំបាត់ទីតាំងល្បែងសុីសងខុសច្បាប់​ទេ​ គឺសំដៅដល់ការទប់ស្កាត់ការរីករាលដាលនៃជម្ងឺកូវីដ-១៩​ ផងដែរ។ឆ្លាម សមុទ្រ