សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តម៉ាស់ស្តាមួយគ្រឿងក្នុងល្បឿនលឿន ដោយខ្វះការប្រុងប្រយ័ត្នក៏រ៉េចង្កូតជ្រុលទៅបុករបងផ្ទះប្រជាពលរដ្ឋពេញទំហឹង បណ្ដាលឲ្យធ្លុះអស់មួយផ្ទាំង និងរងការខូចខាតយ៉ាងដំណំបង្កការភ្ញាក់ផ្អេីលដល់ប្រជាពលរដ្ឋកាលពីវេលាម៉ោង០៧ និង ៣០នាទីយប់ ថ្ងៃទី១៤ ខែមេសា ឆ្នាំ២០២០ ស្ថិតនៅតាមបណ្ដោយផ្លូវ១១៣ ក្នុងសង្កាត់បឹងព្រលិត ខណ្ឌ៧មករា រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកេីតហេតុគេបានឃើញបុរសម្នាក់បើករថយន្តម៉ាកម៉ាស់ស្តាមួយគ្រឿង ពណ៍ស ពាក់ស្លាកលេខ ភ្នំពេញ 2AU-5777 តាមបណ្តោយផ្លូវ១១៣ ទិសដៅពីត្បូងទៅជើង ក្នុងល្បឿនលឿន ខណៈមកដល់ចំណុចកេីតហេតុខាងលេីក៏រ៉េចង្កូតជ្រុលទៅបុករបងផ្ទះប្រជាពលរដ្ឋពេញទំហឹង បណ្តាលឲ្យរថយន្តខ្ចេចផ្នែកខាងមុខ និងបាក់ធ្លុះរបងផ្ទះអស់មួយផ្ទាំងរងការខូចខាតយ៉ាងដំណំ ផងដែរ តែសំណាងល្អមិនបង្កឲ្យមាននរណាម្នាក់រងបួសនោះទេ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់កន្លែងកេីតហេតុ តែភាគីរថយន្តបង្ក បានសុំធ្វេីការសម្របសម្រួលជាមួយម្ចាស់ផ្ទះរងគ្រោះ ដោយភាគីបង្កព្រមសងថ្លៃខូចខាតទៅលេីម្ចាស់ផ្ទះ ដេីម្បីបញ្ចប់រឿងនៅនិងកន្លែង ៕ដោយ៖ ភារ៉ា ដង្កោ
