កណ្ដាល៖ ជនសង្ស័យសម្លាប់នារីម្នាក់ទម្លាក់ចូលទៅក្នុងរណ្ដៅដីដោយចងផ្អោបជាមួយដុំថ្មដែលប្រជាពលរដ្ឋប្រទះឃើញកាលពីថ្ងៃទី១៦ ខែមេសា ឆ្នាំ២០២០ ត្រង់ចំណុច
ភូមិក្រូចសើច ឃុំដើមឫស ស្រុកកណ្ដាលស្ទឹង ខេត្តកណ្តាល ត្រូវបានសមត្ថកិច្ចខេត្តកណ្ដាល សហការជាមួយសមត្ថកិច្ចស្រុកកណ្ដាលស្ទឹង ដឹកនាំដោយលោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្ដាល ចុះប្រតិបត្តិការស្រាវជ្រាវស៊ើបអង្កេត រហូតចាប់ខ្លួនជនសង្ស័យបាននៅថ្ងៃទី១៨ ខែមេសា ឆ្នាំ២០២០ ។
មន្ត្រីនគរបាលខេត្តកណ្ដាលបានឲ្យដឹងថា ជនសង្ស័យឈ្មោះ ឌឿន ឌី ភេទប្រុស អាយុ២៤ឆ្នាំ ជនជាតិខ្មែរ មុខរបរ កម្មករ
រោងចក្រ មានទីលំនៅភូមិក្រូចសើច ឃុំដើមឫស ស្រុកកណ្ដាលស្ទឹង ខេត្តកណ្តាល ។
ចំណែកនារីរងគ្រោះឈ្មោះ ម៉ន ចន្ទ័ថន ភេទស្រី អាយុ២៧ឆ្នាំ ជនជាតិខ្មែរ មុខរបរ កម្មការិនី មានទីលំនៅ ភូមិថ្លុកព្រាល ឃុំព្រះនិពាន្ដ ស្រុកគងពិសី ខេត្តកំពង់ស្ពឺ ។
ប្រភពដដែលបានបន្តថា កាលពីរសៀលថ្ងៃទី១៦ ខែមេសា ឆ្នាំ២០២០ មានប្រជាពលរដ្ឋបានរាយការណ៌មកសមត្ថកិច្ចប៉ុស្តិ៍ដើមឬសថា មានសាកសពអណ្ដែតទឹកក្នុងរណ្ដៅដីមួយកន្លែងនៅភូមិក្រូចសើច ភ្លាមនោះ សមត្ថកិច្ចប៉ុស្តិ៍ រាយការណ៍បន្ត ទៅសមត្ថកិច្ចជំនាញស្រុក និងសមត្ថកិច្ចជំនាញខេត្ត បានចុះមកធ្វើការពិនិត្យ ឃើញថា នៅនឹងខ្លួនសាកសពមានដាក់ដុំថ្មនៅក្នុងអាវ រួចសន្និដ្ឋានជាករណីឃាតកម្ម បន្ទាប់មក កម្លាំងជំនាញបានកសាងសំណុំរឿងស្រាវជ្រាវ ស៊ើបអង្កេត ដឹកនាំដោយលោកឧត្តមសេនីយ៍ត្រី ឈឿន សុចិត្ត ស្នងការខេត្តកណ្ដាល រហូតកំណត់មុខសញ្ញាជនសង្ស័យបាន ឈានដល់ចាប់ខ្លួនជនសង្ស័យបាននៅថ្ងៃទី១៨ ខែមេសា ឆ្នាំ២០២០ ។
នៅចំពោះមុខសមត្ថកិច្ចនគរបាល ជនសង្ស័យសារភាពថា កន្លងមក កាលពីថ្ងៃទី៩ ខែមេសា ឆ្នាំ២០២០ វេលាម៉ោង១៧និង០០នាទី ជនសង្ស័យ និងឈ្មោះ យឿន គន្ធា ភេទស្រី រស់
នៅភូមិឃុំជាមួយគ្នា(ត្រូវជាប្អូនជីដូនមួយ)បានជិះម៉ូតូ១គ្រឿងម៉ាកហុងដា សេ១២៥ពណ៌ខ្មៅ ពាក់ស្លាកលេខភ្នំពេញ 1HF 6858 បានជិះម៉ូតូចេញពីផ្ទះទៅយកជនរងគ្រោះ នៅភូមិថ្លុកព្រាល ឃុំព្រះនិពាន្ធ ស្រុក គងពិសី ខេត្តកំពង់ស្ពឺ ដេីម្បីទៅហូបបង្អែមនៅផ្សារកំពង់កន្ទួត ពេលមកដល់ផ្សារកំពង់កន្ទួតពុំបានហូបបង្អែមទេ ដោយសារមេឃចង់ភ្លៀង ក៏នាំគ្នាជិះម៉ូតូទៅកន្លែងកេីតហេតុ ហេីយឈ្មោះ យឿន គន្ធា បានជិះម៉ូតូត្រឡប់មកផ្ទះខ្លួនវិញ បាត់ទៅ ដោយទុកជនរងគ្រោះ និងជនសង្ស័យ នៅជាមួយគ្នា រហូតដល់វេលាម៉ោង០០:៤០នាទី ឈានចូលថ្ងៃទី១០ខែឆ្នាំដដែលជនសង្ស័យនិងជនរងគ្រោះបានឈ្លោះប្រកែកគ្នាពីរឿងឲ្យជូនទៅផ្ទះ តែជនសង្ស័យមិនព្រមជូនទៅ ទេីបជនរងគ្រោះទះកំផ្លៀងជនសង្ស័យ០៣ដៃចំមុខ និង ជេរបញ្ចោរថែមទៀត ពេលនោះជនសង្ស័យខឹង និងចង់ដោះដៃផងបានយកលេស ក៏យកឈេីជ្រុងដែលនៅក្បែរកន្លែងកើតហេតុ មកវាយជនរង
គ្រោះចំកញ្ចឹងកចំនួន២ដំបងបណ្តាលឲ្យស្លាប់ ហេីយជនសង្ស័យបានយកដុំថ្ម១ដុំ ប៉ុនភ្លៅមនុស្សចាស់ដាក់ចូលក្នុងអាវជនរងគ្រោះខាងក្រោយរួច រុញទម្លាក់ចូលក្នុងទឹក រណ្តៅដី
ខ្សាច់លិចបាត់តែម្តង ៕ ដោយ៖ស្អាង ជ័យ
សារព័ត៌មាន នគរវត្ត តែងតែនាំមុខគេជានិច្ច
