សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ផ្ទះប្រជាពលរដ្ឋមួយខ្នងត្រូវបានអគ្គីភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អេីលកាលពីវេលាម៉ោង២រំលងអាធ្រាត្រឈានចូលថ្ងៃទី២២ខែមេសា ឆ្នាំ២០២០ នៅភូមិចំរើនផល សង្កាត់បឹងទំពុនទី១ ខណ្ឌមានជ័យ។
តាមសម្តីម្ចាស់ផ្ទះបានប្រាប់ឱ្យដឹងថា ផ្ទះដែលត្រូវអគ្គីភ័យឆាបឆេះនោះថ្មក្រោមលេីមានឈេីនិងថ្មខ្លះ ។ នៅមុនពេលកេីតហេតុរូបគាត់និងកូនៗបានសម្រាននៅបន្ទប់ខាងក្រោមលុះមកដល់វេលាកេីតហេតុស្រាប់តែឃេីញមានអណ្តាតភ្លេីងឆាបឆេះយ៉ាងសន្ធោសន្ធៅនៅផ្នែកខាងលេីទេីបនាំគ្នាស្រែកឆោឡោឡេីងនិងរាយការណ៍ទៅសមត្ថកិច្ចភ្លាមៗ។
បន្ទាប់មកទេីបសមត្ថកិច្ចនិងក្រុមរថយន្តអគ្គីភ័យជាច្រេីនគ្រឿងចុះមកដល់ចំណុចកេីតហេតុដេីម្បីអន្តរាគមន៍បាញ់ពន្លត់ រហូតមកដល់វេលាម៉ោង២និង៤០នាទីទេីបអគ្គីភ័យខាងលេីរលត់ទាំងស្រុង ដោយរងការខូចខាតផ្ទះស្ទេីទាំងស្រុង។
ពាក់ព័ន្ធហេតុការណ៍គ្រោះអគ្គិភ័យខាងលេីនេះមិនមានមនុស្សរងរបួសនោះទេ ដោយឡែកមូលហេតុនោះក៏មិនទាន់ដឹងដែរ៕
ដោយ៖សុខាសែនជ័យ
