សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ នាព្រឹកថ្ងៃពុធ ១កើត ខែពិសាខ ឆ្នាំជូត ទោស័ក ពុទ្ធសករាជ ២៥៦៣ ត្រូវនឹងថ្ងៃទី២២ ខែមេសា ឆ្នាំ២០២០ លោកស្រី ហ៊ុន ម៉ាណា អគ្គនាយិកាវិទ្យុ និងទូរទស្សន៍បាយ័ន និងជាប្រធានកម្មវិធីផ្ទះទេវតា បានដឹកនាំក្រុមការងារ អមដំណើរដោយ លោក វ៉ី សំណាង អភិបាលនៃគណអភិបាលខេត្តកំពង់ស្ពឺ លោក សរ សុពុត្រា អភិបាលរងខេត្ត រួមជាមួយក្រុមការងារ អញ្ជើញប្រគេនទ័យទាន និងថវិកា របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រ និងលោកជំទាវ កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគេនព្រះសង្ឃចំនួន៤វត្តក្នុងស្រុកគងពិសី (វត្តធម្មគីរី, វត្តក្រាំងគម្ពីរ, វត្ដស្រះបី,វត្តអង្គតាច័ន្ទ) ក្នុង១វត្តមាន អង្ករ១តោន ត្រីខ១កេសធំ ស្ករស៥គីឡូក្រាម ប៊ីចេង៥គីឡូក្រាម ទឹកត្រី២យួ ទឹកស៊ីអ៉ីវ២យួ ទឹកផ្លែឈើ ១០កេស ទឹកដោះគោខាប់២កេស តែ២គីឡូក្រាម កាហ្វេ២កញ្ជប់ធំ មី៣កេសធំ ថ្នាំពេទ្យ១កេស សាប៊ូ៦០ដុំ ស្បែងជើង១២គូ ជែលលាងដៃ១កេស ម៉ាស់១០ប្រអប់ និងភួយ២ និងថវិកាសរុប២, ៦៥០, ០០០រៀល ។ សំរាប់យាយជីតាជី លោកតាអាចារ្យ និងពុទ្ធបរិស័ទ្ទចំណុះជើងវត្ត សរុបចំនួន៧០ នាក់ ក្នុងម្នាក់ៗទទួលបានឃីត១កញ្ជប់(ថ្នាំពេទ្យ ជែលលាងដៃ សាប៊ូ នំប៉័ង ក្រម៉ា សារ៉ុង និងខោអាវ១កំប្លេរ) និងថវិកា៤៥, ០០០រៀល៕ដោយ៖ សុខ ខេមរា
