សារព័ត៌មាន នគរវត្ត តែងតែនាំមុខគេជានិច្ច
សហព័ន្ធបាល់ទាត់ទ្វីបអឺរ៉ុប (UEFA) បានព្រមានសមាជិកទាំង៥៥ឲ្យលេងបញ្ចប់រដូវកាលអំឡុងពេលវិបត្តិជំងឺរាតត្បាតសកលកូវីដ-១៩ បើមិនដូច្នោះទេ UEFA នឹងលុបឈ្មោះចេញពីកម្មវិធីបាល់ទាត់ ។
គណៈប្រតិបត្តិ UEFA បានសរសេរក្នុងលិខិតផ្ញើទៅកាន់សមាជិកទាំងអស់ថា ខ្លួនរក្សាសិទ្ធិគ្រប់បែបយ៉ាងក្នុងការដកឈ្មោះសមាជិក ដែលជាសមាគមបាល់ទាត់តាមប្រទេស ឬ ដែនដីណាមួយនៅអឺរ៉ុប ចេញពីកម្មវិធី UEFA ប្រសិនបើមិនលេងបញ្ចប់រដូវកាល២០១៩-២០២០ ឲ្យតាមពេលវេលានោះទេ។
UEFA បានលើកលែងចំនួន២ករណី ទី១–បម្រាមហាមមិនឲ្យលេងកីឡារបស់រដ្ឋាភិបាលនីមួយៗ និងទី២–បញ្ហាហិរញ្ញវត្ថុរបស់លីកក្នុងការរៀបចំកម្មវិធីប្រកួតរបស់ខ្លួន។
រហូតមកដល់ពេលនេះមានការប្រកាសរបស់លីកកំពូលៗបាល់ទាត់មួយចំនួនដូចជា អង់គ្លេស អាល្លឺម៉ង់ អេស្ប៉ាញ អំពីការវិលត្រលប់ក្នុងការប្រកួតឡើងវិញផងដែរ ៕ដោយ៖ភារៈ
