សារព័ត៌មាន នគរវត្ត តែងតែនាំមុខគេជានិច្ច
ខ្សែបម្រើ Ivan Rakiticរបស់ក្លឹបអ្នកមានបុណ្យ Barcelona ត្រូវបានក្លិប Tottenham Hotspur កំពុងពិចារណាទិញយករូបគេនៅរដូវកាលក្រោយ។
Rakitic ជាផ្នែកជោគជ័យមួយរបស់ក្លឹបអ្នកមានបុណ្យ បន្ទាប់ចេញពីក្លឹប Sevilla ក្នុងឆ្នាំ២០១៤ ប៉ុន្តែរដូវកាលនេះ គេមិនសូវបានលេងឡើយ ដោយតួនាទីរបស់គេត្រូវបានអតីតកីឡាករ Ajax ទើបមករដូវក្ដៅមុន Frenkie De Jong ដណ្ដើមយក។
ក្រុមមាន់ខ្នាយមាស Tottenham ជាក្លឹបចុងក្រោយគេដែលចាប់អារម្មណ៍លើ Rakitic ស្របពេលលោក Jose Mourinho កំពុងស្វែងរកជម្រើសខ្សែបម្រើ។ យ៉ាងណាអ្នកចាត់ការរហស្សនាម Special One អាចប្រឈមនឹងការប្រជែងជាមួយ AtleticoMadrid, Juventus, Sevilla និង Napoli ដើម្បីយកកីឡាករវ័យ៣២ឆ្នាំ។
នៅសល់១ឆ្នាំទៀតប៉ុណ្ណោះកុងត្រារបស់ Ivan Rakitic ត្រូវអស់នៅ Barcelona ហើយកីឡាកររូបនេះលេងល្អ ក្លឹបប្រហែលនឹងបន្តកុងត្រាទៀត ៕ដោយ៖ភារៈ
