សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសធ្ងន់ត្រូវបានរថយន្តសង្គ្រោះដឹកយកទៅមន្ទីរពេទ្យភ្លាមៗខណះជិះម៉ូតូលឿនមិនប្រយ័ត្នជ្រុលបុករថយន្តចំពីចំហៀងពេញទំហឹងត្រង់ចំណុចផ្លូវបំបែកជាបួន។
ហេតុការណ៍នេះបានកេីតឡេីងកាលពីវេលាម៉ោង២រំលងអាធ្រាត្រឈានចូលថ្ងៃទី៣០ខែមេសា ឆ្នាំ២០២០ នៅចំណុចផ្លូវលេខ១៩៩កែងផ្លូវលេខ៤៣០ ស្ថិតក្នុងសង្កាត់ទំនប់ទឹក ខណ្ឌបឹងកេងកង ។
តាមសាក្សីនៅកន្លែងកេីតហេតុបានឱ្យដឹងថា៖ មុនពេលកេីតហេតុគេបានឃេីញរថយន្តម៉ាកព្រូសពណ៍ ប្រផេះពាក់ស្លាកលេខភ្នំពេញ2AV 5936 បេីកបរដោយបុរសម្នាក់ធ្វេីដំណេីរតាមបណ្តោយផ្លូវលេខ៤៣០ ក្នុងទិសដៅពីត្បូងទៅជេីង ខណះមកដល់ចំណុចបំបែកជាបួនស្រាប់តែមានបុរសម្នាក់ជិះម៉ូតូម៉ាកស្មាសវី ពណ៍ខ្មៅ ពាក់ស្លាកលេខភ្នំពេញ1GD 2962 ធ្វេីដំណេីរតាមបណ្តោយផ្លូវលេខ១៩៩ ក្នុងទិសដៅពីកេីតទៅលិចក្នុងល្បឿនលឿនមិនប្រយ័ត្នក៏ជ្រុលទៅបុកចំពីចំហៀងរថយន្តបោកក្បាលនិងកញ្ចក់រថយន្តរងរបួសធ្ងន់។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែករថយន្តនិងម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុករងចាំដោះស្រាយតាមច្បាប់៕ដោយ៖សុខាសែនជ័យ
