សារព័ត៌មាន នគរវត្ត តែងតែនាំមុខគេជានិច្ច
ខេត្ដប៉ៃលិន៖ លោកឧត្ដមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្ដប៉ៃលិន កាលពីព្រឹកថ្ងៃទី៣០ ខែមេសា ឆ្នាំ២០២០បានដឹកនាំកិច្ចប្រជុំផ្សព្វផ្សាយផែនការស្តីពីការបែងចែកក្រុមត្រួតពិនិត្យចុះរឹតបន្តឹងការអនុវត្តច្បាប់ចរាចរណ៍ផ្លូវគោកជាមួយកម្លាំងជំនាញចរាចរណ៍ផ្លូវគោក ចំនួន៤១នាក់។ក្នុងឧិកាសនោះលោកស្នងការបានមានប្រសាសន៍ឲ្យដឹងថា ការត្រួតពិនិត្យចុះរឹតបន្តឹងការអនុវត្តច្បាប់ចរាចរណ៍ផ្លូវគោកនាពេលនេះធ្វើឡើងតាមអនុក្រឹត្យលេខ ៣៩អនក្រ.បក ចុះថ្ងៃទី១៧ ខែមីនា ឆ្នាំ២០២០ និងតាមការណែនាំពីនាយឧត្តមសេនីយ៍អគ្គស្នងការនគរបាលជាតិ។
ក្នុងប្រតិបត្តិការនេះដែរលោក ស្នងការ ក៏បានណែនាំឲ្យមន្ត្រីនគរបាលម្នាក់ៗស្លៀកឯកសណ្ឋាន និងសក់ក្បាលឲ្យបានត្រឹមត្រូវ ព្រមទាំងបានណែនាំអំពីអាកប្បកិរិយាក្នុងការអនុវត្តច្បាប់ដែលត្រូវអនុវត្តចាប់ពីថ្ងៃទី០១ ខែឧសភា ឆ្នាំ២០២០ នេះតទៅ៕ដោយ÷ប្រាថ្នា
