សារព័ត៌មាន នគរវត្ត តែងតែនាំមុខគេជានិច្ច
កណ្តាល៖ លោកណុប រ័ត្ននិមល ទីប្រឹក្សាក្រុមយុវជន ខ៤ និងលោកស្រី ហុីង សុខលាភ លោក ណុប រតនៈ ប្រធានប្រតិបត្តិក្រុមយុវជន ខ៤ ព្រមទាំងសមាជិក សមាជិកា និងដោយមានការចូលរួមពីលោក អ៊ូច សៅវឿន អភិបាលនៃគណៈអភិបាល ស្រុកកណ្តាលស្ទឹង នាព្រឹកថ្ងៃសៅរ៍ ១១កេីត ខែពិសាខ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី០២ ខែឧសភា ឆ្នាំ២០២០ បាននាំអំណោយដ៏ថ្លៃថ្លារបស់សម្តេចទាំងពីរទៅចែកជូនប្រជា ពលរដ្ឋចំនួន១៥គ្រួសារ ស្ថិតក្នុងឃុំបឹងខ្យាង ស្រុកកណ្តាលស្ទឹង ខេត្តកណ្តាល ។
លោកណុប រ័ត្ននិមល ពាំនាំប្រសាសន៍ផ្តាំផ្ញេីសាកសួរសុខទុក្ខពីសំណាក់លោក កិត្តិបណ្ឌិត ហ៉ីង ប៊ុនហៀង ប្រធានក្រុមការ ងារថ្នាក់ជាតិចុះជួយមូលដ្ឋានស្រុកកណ្តាលស្ទឹង ជូនបងប្អូនប្រជាពលរដ្ឋខណៈដែលប្រទេសកម្ពុជានិងពិភពលោកត្រូវបានវាយលុកដោយសារជំងឺកូវីដ-១៩ ។
លោកលេីកយកបញ្ហាថ្មីៗជម្រាបជូនលោកយាយ លោកតា បង ប្អូនប្រជាពលរដ្ឋថា៖ ជំងឺកូវីដ-១៩ មិនត្រឹមតែប៉ះពាល់ដល់សុខ ភាពសាធារណៈដែលមានចំនួនអ្នកឆ្លងរហូតដល់ជាង ៣លាននាក់ និងអ្នកស្លាប់រហូតដល់ជាងម្ភៃម៉ឺននាក់នៅទូទាំងពិភពលោកប៉ុណ្ណោះទេ ប៉ុន្តែវាថែមទាំងមានវិបត្តិធ្ងន់ធ្ងរប៉ះពាល់ដល់សេដ្ឋកិច្ចសកល និងវិស័យជាច្រេីនទទួលរងនូវផលប៉ះពាល់ជាអវិជ្ជមាន និងមនុស្សរាប់សិបលាននាក់បាត់បង់ការងារដោយ សារបញ្ហាជំងឺកូវីដ-១៩ នេះផងដែរ។
លោកបន្តទៀតថា៖ ក្នុងគ្រាដ៏លំបាកនេះប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន ជាមេដឹកនាំប្រកបដោយគតិ បណ្ឌិតបានចាត់វិធានការបន្ទាន់ និងទាន់ពេលវេលាឆ្លេីបតបទៅនឹងការរាលដាលជំងឺកូវីដ-១៩ និងការធ្លាក់ចុះនៃសេដ្ឋកិច្ច ដាក់ ចេញនូវគោលនយោបាយព្រមជាមួយនឹងដំណោះស្រាយជា ច្រេីនលេីបញ្ហាសេដ្ឋកិច្ច និងសុខភាពសាធារណៈដោយដាក់ចេ ញនូវបទបញ្ជា សេចក្តីសម្រេច និងវិធានការនានាបង្ការ ទប់ ស្កាត់ ការពារការរាលដាលជំងឺកូវីដ-១៩ នៅកម្ពុជា ។
ក្នុងឱកាសនោះលោកសំណូមពរលោកយាយ លោកតា បងប្អូនប្រជាពលរដ្ឋឱ្យប្រុងប្រយ័ត្នខ្លួនជាប់ជានិច្ច ។ ថ្វីត្បិតតែកម្ពុជាមានការឆ្លងត្រឹមតែ១២២ករណី និងព្យាបាលជាសះស្បេីយរហូតដល់១២០នាក់ស្ទេីរតែ ១០០ភាគរយក៏ដោយ ប៉ុន្តែក្រសួង សុខាភិបាលបានព្រមានថា៖ កម្ពុជាស្ថិតលេីភ្លេីងស្តុបពណ៌ លឿងនៅឡេីយមានន័យថាលេីដំណាក់កាលផុយស្រួយ អាចមានរលកទី២នៃការឆ្លងជំងឺនេះសារជាថ្មី ព្រោះពុំទាន់មានសញ្ញាណធូរស្បេីយពីជំងឺនេះនៅលេីពិភពលោកនៅឡេីយ ។ សូមបងប្អូនកុំមានការធ្វេសប្រហែសឱ្យសោះ ដោយប្រែក្លាយការភ័យ ខ្លាចទៅជាការប្រុងប្រយ័ត្នខ្លួនឱ្យបានខ្ជាប់ខ្ជួនទៅតាមវិធានការអនាម័យនានាដែលដាក់ចេញដោយប្រមុខរាជរដ្ឋាភិបាល និងក្រសួងសុខាភិបាលព្រះរាជាណាចក្រកម្ពុជានាពេលកន្លងមក៕ដោយ៖សុខដុម
