សារព័ត៌មាន នគរវត្ត តែងតែនាំមុខគេជានិច្ច
វីរបុរសរបស់ក្លិបហង្សក្រហម Liverpool លោក Xabi Alonson ត្រូវបានគេជឿជាក់ថា កំពុងស្ថិតនៅក្នុងបញ្ជី សម្រាប់តំណែងជាជំនួយការគ្រូបង្វឹក របស់ក្លិបមេឃខៀវ Man City ។ នេះបើយោងតាមកាសែត The Sunsports ចេញផ្សាយកាលពីចុះសប្តាហ៍កន្លងទៅ។
តំណែងជាជំនួយការគ្រូបង្វឹកនេះ មាននៅទំនេរនៅឡើយ ក្រោយពេលដែលលោក Mikel Arteta បានសម្រេចចិត្តចាកចេញ ទៅបង្វឹកនៅ Arsenal តាំងតែពីខែធ្នូមក។ Alonso ធ្លាប់ធ្វើការជាមួយនឹងលោក Pep Guardiola ជាយូរមកហើយក្នុងនាម ជាកីឡាករនិងគ្រូបង្វឹកពេលនៅ Bayern Munich ចន្លោះពីឆ្នាំ២០១៤ដល់ឆ្នាំ២០១៦។
អតីតកីឡាករហង្សក្រហម Alonso បច្ចុប្បន្នជាគ្រូបង្វឹករបស់ក្លិប Real Sociedad ក្រុមឈុត B ដែលកំពុងស្ថិតនៅលេខរៀងទី៥ក្នុងលីកកំពូលទី៣របស់ប្រទេសអេស្បាញ ៕ដោយ៖ភារៈ
