សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ចាត់ទុកជាដំណឹងល្អ! នៅថ្ងៃនេះគ្មានអ្នកស្លាប់ដោយគ្រោះថ្នាក់ចរាចរណ៍ទេ មានតែអ្នករងរបួស បន្ទាប់ពីការអនុវត្តរឹតបន្តឹងច្បាប់ចរាចរណ៍៤ថ្ងៃមកនេះ។
តាមរបាយការណ៍ពីសមត្ថកិច្ច បានបញ្ជាក់ថា៖ នៅថ្ងៃនេះគ្មានអ្នកស្លាប់ដោយគ្រោះថ្នាក់ចរាចរណ៍ទេ មានតែអ្នករងរបួស ក្នុងនោះយ៉ាងហោចណាស់មានមនុស្សរងរបួស ៤នាក់ (ស្រី០២) ក្នុងហេតុការណ៍គ្រោះថ្នាក់ចរាចរណ៍ នៅថ្ងៃទី០៤ ខែឧសភា ឆ្នាំ២០២០នេះ ។
ទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសថ្ងៃនេះ បានបញ្ជាក់ថា គ្រោះថ្នាក់ដែលបង្កឲ្យមានមនុស្សរបួសសរុបចំនួន ០៤នាក់ នៅថ្ងៃទី៤ ខែឧសភានេះ គឺកើតឡើង ដោយសារហេតុការណ៍ប៉ះទង្គិច ចំនួន ២លើក។
យើងនាំគ្នាគោរពច្បាប់ចរាចរណ៍ផ្លូវគោក គឺស្រឡាញ់ជីវិតខ្លួនឯង និងអ្នកដ៏ទៃ ។ ពិសេសសមត្ថកិច្ចត្រូវបំពេញការងារ ប្រកបដោយ សីលធម៌ សុភាពរាបសារ ទន់ភ្លន់ ចែករំលែកនូវក្តី គោរព ស្រឡាញ់ ពីប្រជាជនយើងទាំងអស់គ្នា៕ដោយ៖សុខ ខេមរា
